ശ്രീജ.എസ്
കോഴിക്കോട്: ശോഭ സുരേന്ദ്രന് പരോക്ഷ പിന്തുണയുമായി ബിജെപി ജനറല് സെക്രട്ടറി എം.ടി. രമേശ്. വ്യത്യസ്ത അഭിപ്രായം പ്രകടിപ്പിച്ചതു കൊണ്ട് മാത്രം ആരും പാര്ട്ടി വിരുദ്ധരാകില്ല. പാര്ട്ടിയിലെ പുനഃസംഘടനയുമായി ബന്ധപ്പെട്ട തര്ക്കങ്ങള് പരിഹരിക്കാന് കേന്ദ്ര നേതൃത്വത്തിന്റെ ഇടപെടലുണ്ടാകുമെന്നും അദ്ദേഹം പറഞ്ഞു. കേന്ദ്ര നേതൃത്വത്തിന്റെ നിര്ദ്ദേശാനുസരണം ശോഭ സുരേന്ദ്രനെ അനുനയിപ്പിക്കാനുളള നീക്കം ഒരു വിഭാഗം നടത്തുന്നതിനിടെയാണ് ബിജെപി സംസ്ഥാന ജനറല് സെക്രട്ടറി എം.ടി രമേഷിന്റെ പിന്തുണ.
നിയമസഭാ തെരഞ്ഞെടുപ്പിന് മുമ്പ് പ്രശ്നങ്ങള് പരിഹരിക്കണം. ആരെയും അകറ്റി നിര്ത്തുക പാര്ട്ടി നയമല്ല. ശോഭ സുരേന്ദ്രന് അടക്കമുളളവര് ഉന്നയിച്ച പ്രശ്നങ്ങള് കേന്ദ്ര നേതൃത്വത്തിനു മുന്നിലുണ്ട്. പാര്ട്ടി പുനഃസംഘടനയുമായി ബന്ധപ്പെട്ട പ്രശ്നങ്ങള് പരിഹരിക്കാന് കേന്ദ്ര നേതൃത്വത്തിന്റെയും സംസ്ഥാന നേതൃത്വത്തിന്റെയും ഇടപെടല് ഉണ്ടാകുമെന്നും എം.ടി. രമേശ് വ്യക്തമാക്കി