നിയമസഭാ തെരഞ്ഞെടുപ്പില് മത്സരിക്കും; നടന് കൃഷ്ണകുമാര്
തിരുവനന്തപുരം: ബിജെപി ആവശ്യപ്പെട്ടാല് നിയമസഭാ തെരഞ്ഞെടുപ്പില് മത്സരിക്കുന്ന കാര്യത്തില് തീരുമാനമെടുക്കുമെന്നു നടന് കൃഷ്ണകുമാര്. വിമര്ശനങ്ങള് മുഖവിലയ്ക്കെടുക്കില്ലെന്നും രാഷ്ട്രീയത്തില് സജീവമാകാന് തന്നെയാണു തീരുമാനമെന്നും അദ്ദേഹം ഒരു ചാനലിനു നല്കിയ അഭിമുഖത്തില് പറഞ്ഞു. രാഷ്ട്രീയ നിലപാടില് തനിക്കും സുരേഷ് ഗോപിക്കും മാത്രമാണു ട്രോള് ലഭിക്കുന്നത്. മമ്മൂട്ടിയെ എന്തുകൊണ്ടു വിമര്ശിക്കുന്നില്ലെന്നും കൃഷ്ണകുമാര് ചോദിച്ചു. തന്റെ നിലപാടുകളെ പറ്റി കുടുംബത്തിനു വ്യക്തമായ ധാരണയുണ്ടെന്നും അവരുടെ പിന്തുണയാണു തന്റെ ശക്തിയെന്നും കൃഷ്ണകുമാര് കൂട്ടിച്ചേര്ത്തു. സുരേഷ് ഗോപി, കൃഷ്ണകുമാര് എന്നിവര് ബിജെപിയുടെ നിയമസഭാ തെരഞ്ഞെടുപ്പിനുള്ള സ്ഥാനാര്ഥികളുടെ പ്രാഥമിക പട്ടികയില് ഇടം പിടിച്ചതായ റിപ്പോര്ട്ടുകള്ക്കിടെയാണു നടന്റെ പ്രതികരണം.