Uncategorized
ഭക്ഷ്യകിറ്റ് വിതരണം തുടരും, നീല-വെള്ള കാര്ഡുകാര്ക്ക് 10 കിലോ അരി 15 രൂപ നിരക്കില്; നിര്ണായക പ്രഖ്യാപനം
തിരുവനന്തപുരം: കോവിഡ് പശ്ചാത്തലത്തില് ഭക്ഷ്യക്കിറ്റ് വിതരണം തുടരുന്നതിനായി സര്ക്കാര് തീരുമാനിച്ചിട്ടുണ്ടെന്ന് ധനമന്ത്രി തോമസ് ഐസക്. നീല,വെളള റേഷന് കാര്ഡുകളുള്ള 50 ലക്ഷം കുടുംബങ്ങള്ക്ക് അധികമായി 10 കിലോ വീതം അരി 15 രൂപ നിരക്കില് ലഭ്യമാക്കുമെന്ന് ധനമന്ത്രി തോമസ് ഐസക്ക് പറഞ്ഞു.
ഭക്ഷ്യ സബ്സിഡിക്ക് 1060 കോടി രൂപ അനുവദിക്കും.കോവിഡ് കാലത്ത് ഇതുവരെ അഞ്ചരക്കോടി ഭക്ഷ്യക്കിറ്റ് വിതരണം ചെയ്തു. 1.83 ലക്ഷം മെട്രിക് ടണ് അധിക റേഷന് വിതരണം ചെയ്തു.
ഭക്ഷ്യ സബ്സിഡിക്ക് നിലവില് അനുവദിച്ച 1060 കോടി രൂപക്ക് പുറമേ ആവശ്യമുണ്ടെങ്കില് കൂടുതല് പണം പിന്നീട് അനുവദിക്കുമെന്നും മന്ത്രി വ്യക്തമാക്കി.