സിന്ധുമോൾ. ആർ
ന്യൂഡല്ഹി: കോവിഡ് വാക്സിനേഷന് ഉദ്യമത്തിന് പ്രധാനമന്ത്രി ഇന്ന് തുടക്കമിട്ടു . ആദ്യ കോവിഡ് പ്രതിരോധ വാക്സിന് സ്വീകരിച്ചാലും ജനങ്ങള് കോവിഡ് മാനദണ്ഡങ്ങള് പാലിക്കുന്നത് തുടരണമെന്ന് മുന്നറിയിപ്പ് നല്കി . ഒരു മാസത്തെ ഇടവേളയില് രണ്ട് ഡോസ് വാക്സിന് നിര്ബന്ധമാണ്.
ആദ്യ ഡോസ് സ്വീകരിച്ച ശേഷം മാസ്ക് വയ്ക്കാതെയും സാമൂഹിക അകലം പാലിക്കാതെയും വീഴ്ചകള് ഉണ്ടാകരുത്. രണ്ടാമത്തെ ഡോസ് വാക്സിന് സ്വീകരിച്ച ശേഷമേ പ്രതിരോധശേഷി കൃത്യമായി കൈവരിക്കാന് സാധിക്കുകയുള്ളുവെന്നും പ്രധാനമന്ത്രി കൂട്ടിച്ചേര്ത്തു .