![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ചെന്നൈ: രാഷ്ട്രീയത്തിലേക്കില്ലെന്ന് സ്റ്റൈല്‍ മന്നന്‍ രജിനികാന്തിന്റെ പ്രഖ്യാപനത്തിന് പിന്നാലെ, പ്രവര്‍ത്തകര്‍ക്ക് രാജിവെച്ച്‌ മറ്റു പാര്‍ട്ടികളില്‍ ചേരാന്‍ സ്വാതന്ത്ര്യമുണ്ടെന്ന് പ്രഖ്യാപിച്ച്‌ രജിനി മക്കള്‍ മണ്‍ട്രം. കുറച്ച്‌ പേര്‍ രാജിവെച്ച്‌ ഡി.എം.കെയില്‍ ചേര്‍ന്നതിന് പിന്നാലെയാണ് സംഘടനയുടെ പ്രതികരണം. മറ്റു പാര്‍ട്ടികളില്‍ ചേര്‍ന്നാലും തങ്ങള്‍ രജിനി ആരാധകരാണെന്ന കാര്യം മറക്കരുതെന്ന് സംഘടന പ്രവര്‍ത്തകരെ അറിയിച്ചു.
ഈ സാഹചര്യത്തില്‍ രജിനികാന്ത് പ്രത്യക്ഷമായോ പരോക്ഷമായോ ബി.ജെ.പിയെ പിന്തുണച്ചേക്കാമെന്ന വാദത്തിന് അടിസ്ഥാനമില്ലെന്നാണ് വിലയിരുത്തല്‍. സ്വന്തം പാര്‍ട്ടി പ്രഖ്യാപനം വേണ്ടെന്നുവെച്ചതോടെ രജിനി പാര്‍ട്ടിയെ പിന്തുണക്കുമെന്നായിരുന്നു ബി.ജെ.പിയുടെ കണക്ക് കൂട്ടല്‍. അതെ സമയം 2020 ഡിസംബറില്‍ പാര്‍ട്ടി പ്രഖ്യപനമുണ്ടാകുമെന്ന് രജിനികാന്ത് നേരത്തേ അറിയിച്ചിരുന്നു. എന്നാല്‍ ആരോഗ്യ പ്രശ്നങ്ങളുള്ളതിനാല്‍ പാര്‍ട്ടി രൂപീകരണത്തില്‍ നിന്ന് പിന്മാറുന്നതായി താരം വ്യക്തമാക്കുകയായിരുന്നു.
