![“Manju”](https://santhigirinews.org/wp-content/uploads/2020/04/YOUTUBE.jpg")
ഇസ്ലാമാബാദ്: കൊറോണ വ്യാപനം അയവില്ലാതെ തുടരുമ്പോഴും വാക്‌സിൻ ഇറക്കുമതി ചെയ്യാൻ പണമില്ലാതെ പാകിസ്താൻ. മറ്റ് രാജ്യങ്ങളെല്ലാം തന്നെ സുഹൃദ് രാജ്യങ്ങളിൽ നിന്നുൾപ്പെടെ വാക്‌സിൻ സ്വീകരിക്കാൻ തയ്യാറായി കഴിഞ്ഞിട്ടും പാകിസ്താൻ സർക്കാർ എന്ത് ചെയ്യണമെന്ന് അറിയാതെ നട്ടം തിരിയുകയാണ്. സ്വന്തമായി വാക്‌സിൻ വികസിപ്പിക്കാൻ കഴിയുന്ന കമ്പനികളുടെ അഭാവവും പാകിസ്താന് തിരിച്ചടിയായി.
ഇന്ത്യയുമായി നിലനിൽക്കുന്ന പ്രശ്‌നങ്ങളും ഭീകരതയ്ക്ക് നൽകുന്ന പിന്തുണയും കാരണം അന്താരാഷ്ട്ര തലത്തിൽ പാകിസ്താൻ ഒറ്റപ്പെട്ടു നിൽക്കുകയാണ്. ബംഗ്ലാദേശ് വാക്‌സിൻ നിർമ്മാണ കമ്പനിയായ ബെക്‌സിംകോ ഫാർമ സെറം ഇൻസ്റ്റിറ്റ്യൂട്ടുമായി കൊവിഷീൽഡ് വാകിസിന്റെ 30 മില്യൺ ഡോസുകൾ വാങ്ങാനുള്ള കരാറിൽ ഒപ്പുവെച്ചിരുന്നു. ഇതിന് പിന്നാലെ ബംഗ്ലാദേശിന് 2 മില്യൺ വാക്‌സിൻ ഡോസുകൾ സമ്മാനമായി നൽകുമെന്ന് ഇന്ത്യ പ്രഖ്യാപിക്കുകയും ചെയ്തിരുന്നു.
