![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ഇന്ത്യന്‍ കര വ്യോമ നാവിക സേനകള്‍, തീരസംരക്ഷണസേന എന്നിവ സംയുക്തമായി സംഘടിപ്പിക്കുന്ന സൈനിക അഭ്യാസം എക്‌സര്‍സൈസ് കവചിനു അടുത്തയാഴ്ച തുടക്കമാകും.ആന്‍ഡമാന്‍ നിക്കോബാര്‍ കമാന്‍ഡിനു കീഴിലാണ് സംയുക്തസേനാ അഭ്യാസം സംഘടിപ്പിക്കുന്നത്. സമുദ്ര നിരീക്ഷണ സംവിധാനങ്ങള്‍, പരസ്പര പങ്കാളിത്തത്തോടെയുള്ള വായു – സമുദ്ര അഭ്യാസങ്ങള്‍, വ്യോമപ്രതിരോധ, അന്തര്‍ വാഹിനി അഭ്യാസപ്രകടനങ്ങള്‍ തുടങ്ങിയവ സേനാ അഭ്യാസത്തില്‍ ഉള്‍പ്പെടും.
ഒപ്പം മൂന്നു സേന വിഭാഗങ്ങളിലെ വ്യത്യസ്ത സാങ്കേതിക ഇലക്‌ട്രോണിക് മാനുഷിക സംവിധാനങ്ങളെ ഉള്‍പ്പെടുത്തിയുള്ള സംയുക്ത ഇന്റലിജന്‍സ് സര്‍വൈലന്‍സ് ആന്‍ഡ് റിക്കോണസന്‍സ് (ISR) അഭ്യാസവും ഇതോടൊപ്പം നടക്കും.
