![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോൾ. ആർ
ലണ്ടന്‍: ഫുട്ബോള്‍ ഇതിഹാസങ്ങള്‍ക്ക് ജന്മദിനാശംസകള്‍. ക്രിസ്റ്റ്യാനോയ്ക്കും നെയ്മറിനും ആശംസ നേര്‍ന്ന് ലോകം.ക്രിസ്റ്റ്യാനോ 36 ന്റെ തിളക്കത്തില്‍ നില്‍ക്കുമ്പോള്‍ 29 പൂര്‍ത്തിയാക്കിയാണ് പി.എസ്.ജിയുടെ ബ്രസീലിയന്‍ താരം നെയ്മര്‍ ജന്മദിനം ആഘോഷിക്കുന്നത്. ഇരുവര്‍ക്കും അനുമോദനങ്ങളുമായി സമൂഹ മാധ്യമങ്ങള്‍ സജീവമാണ്. പോര്‍ച്ചുഗലിലെ ഫംകലില്‍ 1985 ഫെബ്രുവരി അഞ്ചിന് ജനിച്ച ക്രിസ്റ്റ്യാനോ റൊണാള്‍ഡോ ഇതിനകം യൂറോപിലെ മുന്‍നിര ക്ലബുകളിലും ദേശീയ ജഴ്സിയിലും റെക്കോഡുകളുടെ പെരുക്കം തീര്‍ത്താണ് വെറ്ററന്‍ പ്രായത്തിലും ജ്വലിച്ചുനില്‍ക്കുന്നത്. മാഞ്ചസ്റ്റര്‍ യുനൈറ്റഡിലും റയല്‍ മഡ്രിഡിലും ഒടുവില്‍ യുവന്‍റസിലും റോണോ ജയിച്ച പതക്കങ്ങള്‍ സമാനതകളില്ലാത്തത്. 2016ല്‍ പോര്‍ച്ചുഗല്‍ യുവേഫ യൂറോപ്യന്‍ ചാമ്പ്യന്‍ഷിപ്പ് നേടിയപ്പോഴും രാജപട്ടമേറിയത് റൊണാള്‍ഡോ തന്നെ. സ്പോര്‍ട്ടിങ് ലിസ്ബണില്‍ പ്രഫഷനല്‍ ഫുട്ബാള്‍ തുടങ്ങിയ താരം 2003ലാണ് പ്രിമിയല്‍ ലീഗ് വമ്പന്മാരായ മാഞ്ചസ്റ്റര്‍ യുനൈറ്റഡിലെത്തുന്നത്. ടീമിനൊപ്പം ബൂട്ടുകെട്ടിയ തുടര്‍ച്ചയായ മൂന്നു സീസണുകളില്‍ യുനൈറ്റഡ് ലീഗ് കിരീടം നേടി. ചാമ്പ്യന്‍സ് ലീഗ്, ഫിഫ ക്ലബ് ലോകകപ്പ് തുടങ്ങി കിരീടങ്ങള്‍ വേറെ.
