മുംബൈ: മഹാരാഷ്ട്ര നിയമസഭ സ്പീക്കര് പദവിയില് നിന്ന് രാജിവെച്ച നാനാ പടോലെ മഹാരാഷ്ട്ര പ്രദേശ് കോണ്ഗ്രസ് കമ്മിറ്റി(എം.പി.സി.സി) അധ്യക്ഷനാവും. വെള്ളിയാഴ്ചയാണ് ഇതു സംബന്ധിച്ച് പ്രഖ്യാപനം വന്നത്.
പുതിയ കമ്മിറ്റിയില് ആറ് വര്ക്കിങ് പ്രസിഡന്റുമാരുണ്ടാകും. മുതിര്ന്ന കോണ്ഗ്രസ് നേതാവ് സുശീല് കുമാര് ഷിന്ഡെയുടെ മകള് പ്രണിതി ഷിന്ഡെ ആണ് ഒരു വര്ക്കിങ് പ്രസിഡന്റ്.
വ്യാഴാഴ്ചയാണ് നാനാ പടോലെ ഡെപ്യൂട്ടി സ്പീക്കര് നര്ഹരി ഷിര്വാളിന് രാജിക്കത്ത് കൈമാറിയത്.
ഭാന്ദര ജില്ലയിലെ സകോലിയില് നിന്നുളള എം.എല്.എയാണ് നാനാ പടോലെ. റവന്യൂ മന്ത്രിയായ ബാലസാഹേബ് തൊറാത്തിനെ മാറ്റിയാണ് പടോലെയെ സംസ്ഥാന അധ്യക്ഷനാക്കുന്നത്. മഹാരാഷ്ട്രയില് ശിവസേനയുമായും നാഷണലിസ്റ്റ് കോണ്ഗ്രസ് പാര്ട്ടിയുമായും (എന്.സി.പി) അധികാരം പങ്കിടുകയാണ് കോണ്ഗ്രസ്.
വിദര്ഭയില് നിന്നുള്ള കര്ഷക നേതാവ് കൂടിയായിരുന്നു നാനാ പടോലെ. 2014 ല് ബി.ജെ.പി എം.പിയായിരുന്ന ഇദ്ദേഹം മോദി സര്ക്കാറിന്റെ കര്ഷകവിരുദ്ധ നയങ്ങളെ തുടര്ന്ന് രാജിവെച്ച് കോണ്ഗ്രസില് തിരിച്ചെത്തുകയായിരുന്നു.