കളമശ്ശേരി: ഫേസ്ബുക്കില് ദിവസവും ഒരു ചിത്രം വരച്ചിട്ട് 500 തികച്ച കെ.എസ്.ആര്.ടി.സി ജീവനക്കാരന് ശ്രദ്ധേയനാകുന്നു. ഏലൂര് വെള്ളംകോളില് നിസാര് പിള്ളൈയാണ് ചിത്രംവരയില് വ്യത്യസ്തനാകുന്നത്.
കൂട്ടുകാര്, ബന്ധുക്കള്, അയല്വാസികള് എന്നിവരുടെ ചിത്രങ്ങള് വരച്ച് ഫേസ്ബുക്കില് ഇടും. രണ്ടു വര്ഷംകൊണ്ട് 500 ചിത്രങ്ങള് വരച്ചു. ഇതില് മുഖ്യമന്ത്രി പിണറായി വിജയന്, ക്രിക്കറ്റ് താരം സചിന് തുടങ്ങിയവരുടെ ചിത്രങ്ങളും ഉള്പ്പെടുന്നു. 1001 ചിത്രങ്ങളാണ് ലക്ഷ്യം. രണ്ടു വര്ഷംകൊണ്ട് പൂര്ത്തിയാക്കണമെന്നാണ് ആഗ്രഹിക്കുന്നതെന്ന് നിസാര് പറഞ്ഞു.
വരച്ച ചിത്രങ്ങള് പ്രദര്ശനത്തിന് വെച്ചിരിക്കുകയാണ്. പെരിയാറിനോട് ചേര്ന്ന വീട്ടിലെ താഴത്തെ നിലയില് പുഴക്ക് അഭിമുഖമായുള്ള ഹാളിലാണ് ചിത്രങ്ങള് പ്രദര്ശിപ്പിച്ചിരിക്കുന്നത്. അയല്വാസികളും നാട്ടുകാരുമായി നിരവധി പേര് ചിത്രങ്ങള് കാണാനെത്തി. കെ.എസ്.ആര്.ടി.സി ആലുവ ഡിപ്പോയിലെ പെയിന്ററാണ് നിസാര് പിള്ളൈ. റജീനയാണ് ഭാര്യ.