സംസ്ഥാനത്ത് രോഗവ്യാപനം രൂക്ഷം; പരിശോധന മാനദണ്ഡങ്ങൾ പുതുക്കി

തിരുവനന്തപുരം: സംസ്ഥാനത്ത് രോഗവ്യാപനം വർധിക്കുന്ന സാഹചര്യത്തിൽ കൊറോണ പരിശോധന മാനദണ്ഡങ്ങൾ പുതുക്കി. ജലദോഷം, പനി, ശ്വാസകോശ രോഗങ്ങൾ എന്നിവ ഉള്ളവരെ ചികിൽസ തേടുന്ന ദിവസം ആന്റിജൻ പരിശോധന നടത്തണം. ഫലം നെഗറ്റീവ് ആണെങ്കിൽ ആർടിപിസിആർ പരിശോധന നിർബന്ധമാണ്.

സമ്പർക്ക പട്ടികയിൽ വന്ന ലക്ഷണങ്ങൾ ഇല്ലാത്ത ആൾക്കും പിസിആർ പരിശോധന നിർദ്ദേശിക്കുന്നുണ്ട്. കൊറോണ വന്നുപോയ ആൾക്ക് വീണ്ടും ലക്ഷണങ്ങൾ വന്നാൽ പിസിആർ പരിശോധന നടത്തമെന്നുമാണ് നിർദ്ദേശം.