പുനലൂരില്‍ കുടുംബ കോടതി അനുവദിച്ചു

ശ്രീജ.എസ്

പുനലൂര്‍ : ദീര്‍ഘ നാളായുള്ള കാത്തിരിപ്പിനൊടുവില്‍ പുനലൂരില്‍ കുടുംബ കോടതി അനുവദിച്ചതായി മന്ത്രി കെ.രാജുവിന്റെ ഓഫീസ് അറിയിച്ചു. കോടതി സമുച്ചയത്തിന്റെ പൂര്‍ത്തീകരണത്തിനു പിന്നാലെയാണ് കിഴക്കന്‍ മേഖലയ്ക്ക് ഒരു കോടതികൂടി അനുവദിച്ചത് . സ്ഥലം എം.എല്‍.എ.യായ മന്ത്രി രാജുവിന്റെ പങ്കാളിത്തമുണ്ട്.

ബുധനാഴ്ച നടന്ന മന്ത്രിസഭാ യോഗത്തിലാണ് പുതിയ കോടതിക്ക്‌ തീരുമാനമായത്.
11.2 കോടി ചെലവഴിച്ചാണ് ചെമ്മന്തൂരില്‍ കോടതി നിര്‍മിച്ചത്. ഉദ്ഘാടനം തിങ്കളാഴ്ച നാലിന് ഹൈക്കോടതി ജഡ്ജി എ.ഹരിപ്രസാദ് നിര്‍വഹിക്കും. മന്ത്രി ജി.സുധാകരനും മറ്റു ജനപ്രതിനിധികളും പങ്കെടുത്തേക്കും.