വിശാലിന്റെ ആക്ഷൻ ത്രില്ലർ ‘ചക്ര ‘ ഫെബ്രുവരി 19 ന്

ആരാധകർക്ക് ആവേശമായി ആക്ഷൻ ഹീറോ വിശാൽ നായകനാകുന്ന ‘ ചക്ര ‘ ഫെബ്രുവരി 19 നു ലോകമെമ്പാടും പ്രദർശനത്തിനെത്തുന്നു . പുതുമുഖം എം.എസ്. ആനന്ദാനാണ് സംവിധായകൻ . ‘ വെൽക്കം ടു ഡിജിറ്റൽ ഇന്ത്യ ‘ എന്ന ടാഗുമായി എത്തുന്ന ‘ ചക്ര ‘ സൈബർ ക്രൈം പശ്ചാത്തലത്തിലുള്ള ഒരു ആക്ഷൻ ത്രില്ലറും മാസ് എന്റർടൈനറുമാണ് . നേരത്തേ അണിയറക്കാർ പുറത്തു വിട്ട ഈ ചിത്രത്തിന്റെ ട്രെയിലറിനും, ‘ഉന്നൈ തൊടുത്താൽ മുത്തു ശരം ഞാൻ ‘എന്ന ഗാന വീഡിയോയ്ക്കും ആരാധകരിൽ നിന്നും വലിയ സ്വീകരണമാണ് ലഭിച്ചത് .

അനൽ അരശാണ് സാഹസികത നിറഞ്ഞ സംഘട്ടന രംഗങ്ങൾ ഒരുക്കിയിരിക്കുന്നത്. ചെന്നൈ , കോയമ്പത്തൂർ എന്നിവിടങ്ങളിലും, പ്രത്യേകം സജ്ജമാക്കിയ സെറ്റുകളിലും വെച്ചാണ് ഭൂരിഭാഗം രംഗങ്ങളും ചിത്രീകരിച്ചിട്ടുള്ളത്. വിശാൽ ഫിലിം ഫാക്ടറിയുടെ ബാനറിൽ വിശാൽ തന്നെയാണ് ‘ ചക്ര ‘ നിർമ്മിച്ചിരിക്കുന്നത് .