Latest

‘ടീമിനെ സഹായിക്കാൻ അയാൾ ഏതറ്റം വരെയും പോകും’;  ടോട്ടനം ഹോട്ട്‌സ്പർ

“Manju”

കൊച്ചി: മോഹൻലാൽ ചിത്രം ദൃശ്യം 2 വിദേശത്തും ശ്രദ്ധേയമാകുന്നു. ഇംഗ്ലീഷ് പ്രീമിയർ ലീഗ് ക്ലബ്ബായ ടോട്ടനം ഹോട്ട്‌സ്പർ ദൃശ്യത്തിലെ ഡയലോഗ് കടമെടുത്ത് മലയാളത്തിൽ ട്വീറ്റ് ചെയ്തിരിക്കുകയാണ്. ദക്ഷിണ കൊറിയൻ സൂപ്പർ താരമായ സൺ ഹ്യൂങ് മിന്നിന് വേണ്ടിയാണ് ടോട്ടനം മലയാളത്തിൽ പോസ്റ്റിട്ടത്.

ദൃശ്യത്തിലെ മോഹൻലാൽ കഥാപാത്രത്തെക്കുറിച്ച് പറയുന്ന ഹിറ്റ് ഡയലോഗുകളാണ് ടോട്ടനം തങ്ങളുടെ സൂപ്പർ താരത്തിന് വേണ്ടി തെരഞ്ഞെടുത്തത്. ‘അയാൾ അയാളുടെ ടീമിനെ സഹായിക്കാൻ ഏതറ്റം വരെയും പോകും’ എന്നായിരുന്നു ടോട്ടനത്തിന്റെ ട്വീറ്റ്. ‘He is a classic footballer’ എന്ന ഡയലോഗും ട്വീറ്റിലുണ്ട്.

ടോട്ടനത്തിന്റെ ട്വീറ്റിന് താഴെ മലയാളികൾ ഉൾപ്പെടെ നിരവധിയാളുകളാണ് കമന്റുകളുമായെത്തിയത്. കമന്റുകൾ ഏറെയും മലയാളത്തിൽ തന്നെയാണെന്നതാണ് മറ്റൊരു സവിശേഷത. ടീമിനെ ജയിപ്പിക്കാൻ ശപഥം ചെയ്ത ആൾ എന്നാണ് ചിലർ കമന്റ് ചെയ്തത്. ഏതറ്റം വരെയും പോകുമെങ്കിൽ ഈ അറ്റം വരെ വന്ന് ബ്ലാസ്‌റ്റേഴ്‌സിനെ രക്ഷിക്കണമെന്നായി മറ്റുചിലരുടെ തമാശ രൂപേണയുള്ള കമന്റുകൾ.

Related Articles

Back to top button