ശ്രീജ.എസ്

ന്യൂഡല്‍ഹി; പ്രധാനമന്ത്രിയെ തിരഞ്ഞെടുക്കാനായി കേരളത്തിലും തമിഴ്നാട്ടിലും ഐഎഎന്‍എസ്–സി വോട്ടര്‍ നടത്തിയ സര്‍വേയില്‍ കേരള–തമിഴ്നാട് വോട്ടര്‍മാര്‍ രാഹുലിനൊപ്പമാണ്. ഇന്ത്യയുടെ പ്രധാനമന്ത്രിയെ നേരിട്ട് തിരഞ്ഞെടുക്കാന്‍ ഒരു അവസരം കിട്ടിയാല്‍ മോദിക്കാണോ രാഹുലിനാണോ പിന്തുണ നല്‍കുക എന്ന ചോദ്യത്തിന്, കേരളത്തിലെ 57.92 പേരും തമിഴ്നാട്ടിലെ 43.46 ശതമാനം പേരും രാഹുല്‍ ഗാന്ധി എന്നാണ് വ്യക്തമാക്കിയിരിക്കുന്നത്.

മോദിയെക്കാള്‍ വളരെയധികം മുന്നിലാണ് കേരളത്തിലും തമിഴ്നാട്ടിലും രാഹുലിന്റെ ജനപ്രീതി. കേരളത്തില്‍ നരേന്ദ്ര മോദിയെ തുണച്ച്‌ 36.19 ശതമാനവും 28.16 ശതമാനം പേര്‍ തമിഴ്നാട്ടിലും പിന്തുണച്ചു. മോദിയും രാഹുലും തമ്മിലുള്ള കേരളത്തിലെ വ്യത്യാസം 21.73 ശതമാനമാണ്. തമിഴ്നാട്ടില്‍ 15.3 ശതമാനവും. അതേസമയം, ബംഗാളിലും അസമിലും പുതുച്ചേരിയിലും മോദിക്കാണ് കൂടുതല്‍ പിന്തുണ. പുതുച്ചേരിയില്‍ 45.54 ശതമാനവും ബംഗാളില്‍ 54.13 ശതമാനവും, അസമില്‍ 47.8 ശതമാനം,പേരും മോദിയെ പിന്തുണയ്ക്കുന്നു.