![“Manju”](https://santhigirinews.org/wp-content/uploads/2020/04/YOUTUBE.jpg")
ബുലന്ദേശ്വര്‍: ഉത്തര്‍പ്രദേശില്‍ ആറുദിവസം മുമ്പ് കാണാതായ 12കാരിയുടെ മൃതദേഹം കുഴിച്ചിട്ട നിലയില്‍. മറ്റൊരു വീടിന് സമീപത്തുനിന്നാണ് മൃതദേഹം കിട്ടിയത്. യു.പിയിലെ ബുലന്ദേശ്വറിലാണ് സംഭവം.പിതാവും മകനും മാത്രം താമസിക്കുന്ന വീടിന് സമീപത്തുനിന്നാണ് മൃതദേഹം കണ്ടെത്തിയത്. പിതാവിനെ പോലീസ് കസ്റ്റഡിയിലെടുത്തു. 22 കാരനായ മകന്‍ ഹരേന്ദ്ര സംഭവ സ്ഥലത്തുനിന്ന് ഓടിരക്ഷപ്പെട്ടിരുന്നു. മുഖ്യപ്രതി ഇയാളാണെന്നാണ് പൊലീസ് നിഗമനം.
ഫെബ്രുവരി 25ന് വീട്ടുകാര്‍ക്കൊപ്പം വയലില്‍ പണിയെടുക്കുന്നതിനിടെ ദാഹിച്ചപ്പോള്‍ വീട്ടില്‍ വെള്ളമെടുക്കാന്‍ പോയതായിരുന്നു. തുടര്‍ന്ന് പെണ്‍കുട്ടിയെ കാണാതാകുകയായിരുന്നു. ഫെബ്രുവരി 28നാണ് കുടുംബം പൊലീസില്‍ പരാതി നല്‍കുന്നത്. മൃതദേഹം കണ്ടെടുത്ത വീടിന് നൂറുമീറ്റര്‍ അകലെയാണ് പെണ്‍കുട്ടിയുടെ മാതാവും രണ്ടു സഹോദരിമാരും പണിയെടുത്തിരുന്നത്.
പെണ്‍കുട്ടിയെ തിരയുന്നതിനിടെ ഇതേ സ്ഥലത്ത് മദ്യലഹരിയിലായിരുന്ന ഒരാളെ കണ്ടിരുന്നു. എന്നാല്‍ പെണ്‍കുട്ടിയെ അവിടെനിന്ന് കണ്ടെത്താന്‍ കഴിഞ്ഞില്ല.
