മ്യാന്‍മറില്‍ പട്ടാള വെടിവെപ്പ്,  38 പേര്‍ കൊല്ലപ്പെട്ടു

യാങ്കൂണ്‍: മ്യാന്‍മറില്‍ പട്ടാള അട്ടിമറിക്കെതിരെ ജനാധിപത്യ പ്രക്ഷോഭം കടുക്കുകയാണ്. ഇന്നലെ ജനങ്ങള്‍ക്ക് നേരെ നടന്ന സേനയുടെ വെടിവയ്പില്‍ 38 പേര്‍ കൊല്ലപ്പെട്ടു. മരിച്ചവരില്‍ 4 പേര്‍ കുട്ടികളാണ്. പ്രക്ഷോഭത്തില്‍ ഇതുവരെ 50 പേരാണ് കൊല്ലപ്പെട്ടത്. ഇന്നലെയാണ് ഏറ്റവും കൂടുതല്‍ പേര്‍ കൊല്ലപ്പെട്ടത്. യാങ്കൂണിലാണ് കൂടുതല്‍ പേര്‍ കൊല്ലപ്പെട്ടത്.
മതിയായ മുന്നറിയിപ്പില്ലാതെ അടുത്തു നിന്നു പട്ടാളം വെടിവയ്ക്കുകയായിരുന്നുവെന്ന് ദൃക്സാക്ഷികളെ ഉദ്ധരിച്ച്‌ യുഎന്‍ പ്രതിനിധികള്‍ പറഞ്ഞു.