ശ്രീജ.എസ്
ഹൈദരാബാദ്: കോര്പറേറ്റ് കമ്പനികളടക്കം ഒന്പതോളം സ്ഥാപനങ്ങളെ ആള്മാറാട്ടം നടത്തി കബളിപ്പിച്ച കേസില് മുന് രഞ്ജി ക്രിക്കറ്റ് താരം ബി. നാഗരാജു അറസ്റ്റില്. തെലങ്കാന ഐ.ടി മന്ത്രി കെ.ടി. രാമറാവുവിന്റെ പേഴ്സണല് സെക്രട്ടറിയെന്ന വ്യജേന ഒന്പതിലധികം കമ്പനികളെയാണ് ഇയാള് കബളിപ്പിച്ചത് .
2014-15 കാലയളവില് ആന്ധ്രക്കായി രഞ്ജി കളിച്ച ബി. നാഗരാജു രാമറാവുവിന്റെ പേഴ്സണല് സെക്രട്ടറിയാണെന്ന വ്യാജേന പരിചയപ്പെടുത്തി കമ്പനികള്, കോര്പറേറ്റ് ആശുപത്രികള്, വിദ്യാഭ്യാസ്സ്ഥാപനങ്ങള് എന്നിവയിലേക്ക് വിളിക്കുകയായിരുന്നു.
രാമറാവു ഉടന് തന്നെ മുഖ്യമന്ത്രിയാകുമെന്നും ഇതിന്റെ ഭാഗമായി സ്റ്റേഡിയത്തില് പരസ്യ ബോര്ഡ് വെക്കാനും സത്യപ്രതിജ്ഞാ ചടങ്ങുമായി ബന്ധപ്പെട്ട് മാധ്യമങ്ങളില് പരസ്യം നല്കാനുമായി ഇവരോട് പണം ആവശ്യപ്പെട്ടതായാണ് പരാതി. ഇതനുസരിച്ച് 39,22,400 രൂപ ഇയാള് കൈക്കലാക്കി. മുമ്പ് 10 കേസുകളില് അറസ്റ്റിലായി ജാമ്യത്തിലിറങ്ങിയിരുന്നു.
തെലങ്കാന മുഖ്യമന്ത്രിയായ കെ. ചന്ദ്രശേഖര റാവുവിന്റെ മകനും തെലങ്കാന രാഷ്ട്ര സമിതിയുടെ വര്ക്കിങ് പ്രസിഡന്റുമാണ് രാമറാവു.