ബി.എസ്.എം. എസ് (സിദ്ധ) : ഒഴിവു സീറ്റുകളിലേക്ക് അപേക്ഷിക്കാം
പോത്തൻകോട് : കേരളത്തിലെ ഏക സിദ്ധ മെഡിക്കൽ കോളേജായ ശാന്തിഗിരി സിദ്ധ മെഡിക്കൽ കോളേജിൽ ബി.എസ്.എം. എസ് കോഴ്സിന് ഒഴിഞ്ഞുകിടക്കുന്ന സീറ്റുകളിലേക്ക് നാളെ (13/03/2021) മുതൽ അപേക്ഷിക്കാം. . http://ssmc.santhigiriashram.org/ എന്ന ലിങ്കിലൂടെ ഓൺലൈനിലാണ് അപേക്ഷ സമർപ്പിക്കേണ്ടത്. നീറ്റ് റാങ്ക് അടിസ്ഥാനമാക്കിയായിരിക്കും അഡ്മിഷൻ ലഭിക്കുക. സിദ്ധയിലെ ഒഴിവ് സീറ്റുകളിലേക്ക് ഇതര സംസ്ഥാന വിദ്യാർത്ഥികൾക്കും അപേക്ഷിക്കാം . അപേക്ഷകൾ 17 ന് 5 മണിക്ക് മുൻപായി സമർപ്പിക്കണം . അന്നേ ദിവസം വൈകിട്ട് 6 ന് റാങ്ക് പട്ടിക കോളേജ് വെബസൈറ്റിൽ പ്രസിദ്ധീകരിക്കും . അഡ്മിഷൻ ലഭിക്കുന്നവർ 19 ന് 3 മണിക്കകം കോളേജിലെത്തി പ്രവേശനം നേടണം. സർക്കാർ നിശ്ചയിച്ചിട്ടുള്ള ഫീസ് നൽകിയാൽ മതിയാകും. അഡ്മിഷൻ സൂപ്പർവൈസറി കമ്മിറ്റിയുടെ നിബന്ധനകൾക്കനുസരിച്ചാണ് ഒഴിവു സീറ്റുകളിലേക്കുള്ള പ്രവേശനം നടത്തുന്നതെന്ന് പ്രിൻസിപ്പാൾ അറിയിച്ചു. കൂടുതൽ വിവരങ്ങൾക്ക് 90375 24994, 9249980244 എന്നീ നമ്പരുകളിൽ ബന്ധപ്പെടാവുന്നതാണ്.