ശ്രീജ.എസ്
രാജ്യത്ത് 100 വാഹന പൊളിശാലകള് തുറക്കുമെന്ന് കേന്ദ്ര ഗതാഗത മന്ത്രി നിതിന് ഗഡ്കരി. കപ്പല് പൊളിശാലയുള്ള ഗുജറാത്തിലെ അലാങ്ങില് നൂതന സാങ്കേതിക വിദ്യകള് ഉള്പ്പെടുത്തി പ്രത്യേക കേന്ദ്രം ആസൂത്രണം ചെയ്യുന്നുണ്ട്. വാഹന പൊളിശാലകള്ക്ക് ഏകജാലക സംവിധാനത്തില് ലളിതമായ രജിസ്ട്രേഷന് നടപടികള് മാത്രമാണ് ഉണ്ടാവുക. എന്നാല്, പരിസ്ഥിതി മലിനീകരണ നിയന്ത്രണ ചട്ടങ്ങള് പാലിക്കണം.
20 വര്ഷം പഴക്കമുള്ള സ്വകാര്യ വാഹനങ്ങളും 15 വര്ഷത്തിന് മുകളിലുള്ള വാണിജ്യ വാഹനങ്ങളുമാണ് ആക്രിയാക്കുക. വാഹനങ്ങളുടെ രജിസ്ട്രേഷന് പുതുക്കുമ്പോള് ഫിറ്റ്നസ് സര്ട്ടിഫിക്കറ്റ് നിര്ബന്ധമാക്കും. പൊതു സ്വകാര്യ പങ്കാളിത്ത മാതൃകയില് വാഹനങ്ങള്ക്ക് ഫിറ്റ്നസ് സര്ട്ടിഫിക്കറ്റ് നല്കാന് ഓട്ടോമേറ്റഡ് കേന്ദ്രങ്ങള് സംസ്ഥാന തലത്തില് തുറക്കും. ഇതെല്ലാം വഴി 10,000 കോടി രൂപയുടെ നിക്ഷേപവും 35,000 തൊഴിലവസരങ്ങളും പ്രതീക്ഷിക്കുന്നുണ്ട്. 40,000 കോടിയുടെ ജി.എസ്.ടി വരുമാന വര്ധനവും ഉണ്ടാകും.