ശ്രീജ.എസ്
ന്യൂഡല്ഹി: രാജ്യത്ത് കോവിഡ് പ്രതിരോധ യജ്ഞത്തില് മുന്പന്തിയില് സിക്കിം സംസ്ഥാനമെന്ന് റിപ്പോര്ട്ട്. സിക്കിം ആകെ ജനസംഖ്യയുടെ ഏഴ് ശതമാനത്തിന് വാക്സിന് നല്കി. 67 ലക്ഷമാണ് സിക്കിമിലെ ജനസംഖ്യ.
കേരള, ഗോവ സംസ്ഥാനങ്ങളാണ് തൊട്ടു പിന്നില്. കേരളം 4.84 ശതമാനം പേര്ക്ക് വാക്സിന് നല്കി. 17.27 ലക്ഷം പേര്ക്കാണ് കേരളം ഇതുവരെ വാക്സിന് നല്കിയത്. ജനസംഖ്യയുടെ 4.48 ശതമാനം പേര്ക്ക് വാക്സിന് നല്കി ഗോവയാണ് മൂന്നാം സ്ഥാനത്ത്. 71,000 പേര്ക്കാണ് ഗോവ ഇതുവരെ വാക്സിന് നല്കിയത്.
ത്രിപുര, മിസോറാം, ഗുജറാത്ത്, രാജസ്ഥാന് തുടങ്ങിയവരാണ് വാക്സിന് നല്കിയവരില് മുന്പന്തിയിലുള്ള മറ്റ് സംസ്ഥാനങ്ങള്. 12.48 കോടി ജനസംഖ്യയില് 1.09 ശതമാനം പേര്ക്ക് മാത്രം വാക്സിന് നല്കിയ ബിഹാറാണ് പട്ടികയില് അവസാന സ്ഥാനത്ത്. 1.22 ശതമാനം പേര്ക്ക് വാക്സിന് നല്കിയ യു.പിയും 1.30 ശതമാനം പേര്ക്ക് വാക്സിന് നല്കിയ പഞ്ചാബും കോവിഡ് പ്രതിരോധത്തില് പിന്നിലാണ്.