കൊച്ചി: നിയമസഭാ തെരഞ്ഞെടുപ്പിന് മുമ്പായി കൂടുതല് പ്രമുഖര് ട്വന്റി ട്വന്റിയിലേക്ക്. ഉമ്മന് ചാണ്ടിയുടെ മരുമകന് വര്ഗീസ് ജോര്ജും ട്വന്റി -ട്വന്റിയില് അംഗത്വമെടുത്തു. ഉമ്മന് ചാണ്ടിയുടെ മകള് മറിയയുടെ ഭര്ത്താവാണ് വര്ഗീസ് ജോര്ജ്.
കൂട്ടായ്മയുടെ ജനറല് സെക്രട്ടറിയായും യൂത്ത് കോര്ഡിനേറ്ററായും ഉപദേശക സമിതി അംഗമായും അദ്ദേഹം പ്രവര്ത്തിക്കും. വിദേശത്ത് ജോലിയായിരുന്ന താന് ട്വന്റി-20യില് ആകര്ഷം തോന്നിയാണ് അംഗത്വമെടുത്തതെന്ന് വര്ഗീസ് മാധ്യമങ്ങളോട് പറഞ്ഞു. സംവിധായകന് ലാലും ട്വന്റി-ട്വന്റിയില് ചേര്ന്നു. ലാല് ഉപദേശക സമിതി അംഗമായി പ്രവര്ത്തിക്കും. ലാലിന്റെ മരുമകനെ യൂത്ത് വിംഗ് പ്രസിഡന്റായും തെരഞ്ഞെടുത്തു. വനിതാ വിംഗ്, യൂത്ത് വിംഗ്, സീനിയര് സിറ്റിസണ് എന്നിങ്ങനെയാണ് ട്വന്റി-ട്വന്റി നേതൃത്വത്തെ പ്രഖ്യാപിച്ചത്.