Sports
മെസി ബാഴ്സലോണയിൽ തുടരാൻ സാധ്യത; ഉടൻ പുതിയ കരാർ ഒപ്പുവെക്കുമെന്ന് റിപ്പോർട്ട്
ബാഴ്സലോണ: ബാഴ്സലോണ ആരാധകർക്ക് ആശ്വാസം നൽകുന്ന വാർത്തയാണ് സ്പെയിനിൽ നിന്നും പുറത്തുവരുന്നത്. അർജന്റൈൻ സൂപ്പർ താരം ലയണൽ മെസി ക്ലബ് വിടില്ലെന്നാണ് റിപ്പോർട്ട്. സ്പാനിഷ് മാദ്ധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
ഉടൻ തന്നെ ബാഴ്സലോണയിൽ മെസി പുതിയ കരാർ ഒപ്പുവെക്കുമെന്നാണ് വിവരം. ബാഴ്സലോണ പ്രസിഡന്റായി ചുമതലയേറ്റതിനു ശേഷം ലപോർട നടത്തിയ ചർച്ചകളിൽ മെസി തൃപ്തനാണ് എന്നാണ് സ്പാനിഷ് മാദ്ധ്യമങ്ങൾ റിപ്പോർട്ട് ചെയ്യുന്നത്. മെസി ആഗ്രഹിക്കുന്നത് പോലെ ലപോർട ടീമിനെ ശക്തമാക്കാൻ ആവശ്യമായതെല്ലാം ചെയ്യാൻ ഒരുക്കമാണെന്ന് മെസിയെ അറിയിച്ചിട്ടുണ്ട്.
മെസിയുടെ പിതാവും ഏജന്റുമായ ജോർഗെ മെസിയുമായും ലപോർടെ ചർച്ച നടത്തിയിട്ടുണ്ട്. ക്ലബ് വിടാൻ മെസി കഴിഞ്ഞ സീസണിൽ തീരുമാനിച്ചിരുന്നു. ഓഫർ ചെയ്ത മൂന്ന് വർഷത്തെ കരാർ താരം അംഗീകരിക്കാനാണ് സാധ്യത. ഏപ്രിൽ ആദ്യ വാരം മെസി കരാർ ഒപ്പുവെക്കും എന്നും വാർത്തകൾ ഉണ്ട്.