InternationalLatest

സൈനിക ശക്തിയില്‍ ലോകരാജ്യങ്ങളുടെ പട്ടികയില്‍ നാലാം സ്ഥാനത്ത് ഇന്ത്യ

“Manju”

ന്യൂഡൽഹി : ലോകത്തെ സൈനിക ശക്തികളുടെ പട്ടികയില്‍ ഇന്ത്യ നാലാം സ്ഥാനത്തെന്ന് പ്രതിരോധ വെബ്‌സൈറ്റ് ആയ ‘മിലിട്ടറി ഡയറക്‌ട്’ . സൂചികയിലെ 100 പോയിന്റുകളിൽ 82 നേടി ചൈനയാണ് ഒന്നാം സ്ഥാനത്ത് . സൈനിക ബജറ്റുകൾ ഉണ്ടായിരുന്നിട്ടും യുഎസ്എ 74 പോയിന്റുമായി രണ്ടാം സ്ഥാനത്താണ് എത്തിയത്. റഷ്യ 69 ഉം ഇന്ത്യ 61 ഉം ഫ്രാൻസ് 58 ഉം പോയിന്റുകൾ നേടി. 43 പോയിന്റുകളുമായി യുകെ ഒമ്പതാം സ്ഥാനത്തെത്തി

ബജറ്റുകൾ, നിഷ്‌ക്രിയവും സജീവവുമായ സൈനിക ഉദ്യോഗസ്ഥരുടെ എണ്ണം, വ്യോമ, സമുദ്ര, കര വിസ്തൃതി, ആണവശേഷി, ശരാശരി ശമ്പളം, ഉപകരണങ്ങളുടെ ഭാരം എന്നിവ ഉൾപ്പെടെ വിവിധ ഘടകങ്ങൾ കണക്കിലെടുത്താണ് സൈനിക ശക്തി സൂചിക കണക്കാക്കിയതെന്ന് പഠനം പറയുന്നു.

സൈന്യത്തിനായി എല്ലാവര്‍ഷവും ഏറ്റവും കൂടുതല്‍ പണം ചിലവഴിക്കുന്നത് യു.എസ് ആണ്, 732 ബില്യണ്‍ യു. എസ് ഡോളറിന്റേതാണ് ഈ ബജറ്റ്. ചൈന 261 ബില്യണ്‍ യു.എസ് ഡോളറും, ഇന്ത്യ 71 ബില്യണ്‍ യു.എസ് ഡോളറും ചിലവഴിക്കുന്നു എന്നാണ് കണക്കുകള്‍ സൂചിപ്പിക്കുന്നത്.

സാങ്കൽപ്പിക പോരാട്ടത്തിൽ ചൈന കടൽ വഴിയും യുഎസ്എ വ്യോമ പ്രതിരോധം വഴിയും, റഷ്യ കരസേനയിലൂടെയും വിജയിക്കുമെന്നും റിപ്പോർട്ടിൽ പറയുന്നു.

Related Articles

Back to top button