നാടുകാണി ചുരത്തില് 40 അടി താഴ്ചയിലേക്ക് ലോറി മറിഞ്ഞു
നിലമ്പൂര്: നാടുകാണി ചുരത്തില് ചരക്കു ലോറി 40 അടി താഴ്ചയിലേക്ക് മറിഞ്ഞ് അപകടം. ലോറിയുടെ ഡ്രൈവറെ കണ്ടെത്താനായിട്ടില്ല. തമിഴ്നാട്ടില് നിന്നു ചായപ്പൊടിയുമായി എറണാകുളത്തേക്കു പുറപ്പെട്ട ചരക്കു ലോറിയാണ് നാടുകാണി ചുരത്തില് അപകടത്തില്പ്പെട്ടത്. കഴിഞ്ഞ ദിവസം രാത്രി 11.30 നാണ് സംഭവം.
സംഭവശേഷം ഡ്രൈവറെ കണ്ടെത്താനായിട്ടില്ല. ഡ്രൈവര് ലോറിയുടെ അടിയില് കുടുങ്ങിയിട്ടുണ്ടാകുമെന്നാണ് വഴിക്കടവ് പോലീസ് സ്റ്റേഷനില് നിന്നുള്ള വിവരം. ഇയാള് സംഭവ സ്ഥലത്തു നിന്നു രക്ഷപെട്ടതാണോ എന്ന സംശയവുമുണ്ട്. കേരള അതിര്ത്തിയില് എത്തുന്നതിനു തൊട്ടുമുമ്പ് ദേവാല പോലീസ് സ്റ്റേഷന് പരിധിയിലാണ് സംഭവം. നാട്ടുകാരും യാത്രക്കാരും ഉള്പെടെ രക്ഷാ പ്രവര്ത്തനത്തിനു ശ്രമിച്ചെങ്കിലും ബുധനാഴ്ച രാത്രിയില് ഡ്രൈവറെ കണ്ടെത്തിയിട്ടില്ല. ദേവാല ചായ ഫാക്ടറിയില് നിന്നുള്ള ലോഡാണ് അപകടത്തില് പെട്ടത്.