ന്യൂഡല്ഹി: കേരളത്തില് ഒഴിവ് വന്ന മൂന്ന് രാജ്യസഭാ സീറ്റുകളിലേക്കുള്ള തെരഞ്ഞെടുപ്പ് ഏപ്രില് 30ന് നടക്കും. ഏപ്രില് 20നകം നാമനിര്ദ്ദേശപത്രിക സമര്പ്പിക്കണം. സൂക്ഷ്മപരിശോധന ഏപ്രില് 21ന് നടക്കും. ഏപ്രില് 23 ആണ് നാമനിര്ദ്ദേശ പത്രിക പിന്വലിക്കേണ്ട അവസാന ദിവസം.
കേരള ഹൈക്കോടതിയുടെ കര്ശന നിര്ദ്ദേശത്തിന്റെ അടിസ്ഥാനത്തിലാണ് കേന്ദ്രതെരഞ്ഞെടുപ്പ് കമ്മീഷന് ഇപ്പോള് കേരളത്തില് ഒഴിവ് വന്ന രാജ്യസഭാ സീറ്റുകളിലേക്ക് തെരഞ്ഞെടുപ്പ് തീയതി പ്രഖ്യാപിച്ചിരിക്കുന്നത്. കേരളാ നിയമസഭയുടെ കാലാവധി അവസാനിക്കുന്നതിന് മുമ്ബ് തന്നെ ഒഴിവ് വന്ന സീറ്റുകളിലേക്ക് തെരഞ്ഞെടുപ്പ് നടത്തണമെന്നായിരുന്നു ഹൈക്കോടതിയുടെ നിര്ദ്ദേശം.
ഏപ്രില് 30ന് രാവിലെ ഒമ്ബത് മുതല് വൈകുന്നേരം നാല് വരെയായിരിക്കും വോട്ടെടുപ്പ് നടക്കുന്നത്. അന്ന് തന്നെ വോട്ടെണ്ണല് നടക്കും. തെരഞ്ഞെടുപ്പ് വിജ്ഞാപനം തിങ്കളാഴ്ച പുറത്തിറങ്ങുമെന്നാണ് അറിയിച്ചിരിക്കുന്നത്.
നിലവിലുള്ള നിയമസഭാംഗങ്ങള്ക്കാണ് വോട്ടവകാശം. അവരാണ് രാജ്യസഭാംഗങ്ങളെ തെരഞ്ഞെടുക്കേണ്ടതെന്നും ഹൈക്കോടതി വിധിച്ചിരുന്നു