![“Manju”](https://santhigirinews.org/wp-content/uploads/2020/04/YOUTUBE.jpg")
കോഴിക്കോട്: കോവിഡ് വ്യാപനം അതിരൂക്ഷമായതോടെ ജില്ലയില്‍ ഞായറാഴ്ച ലോക്ഡൗണ്‍ ഏര്‍പ്പെടുത്തി. ഡിസാസ്റ്റര്‍ മാനേജ്മെന്‍റ് ആക്ട് പ്രകാരം ജില്ല കലക്ടര്‍ സാംബശിവ റാവുവാണ് ഉത്തരവിറക്കിയത്. ഏപ്രില്‍ 18 മുതല്‍ ഇനിയൊരറിയിപ്പുണ്ടാകുന്നതുവരെയാണ് ലോക്ഡൗണ്‍. ഞായറാഴ്ചത്തെ കൂടിച്ചേരലുകള്‍ അഞ്ചുപേരില്‍ മാത്രമായി ചുരുക്കണം.പൊതുജനങ്ങള്‍ അത്യാവശ്യ കാര്യങ്ങള്‍ക്കല്ലാതെ പുറത്തിറങ്ങരുത്. അവശ്യവസ്തുക്കളുടെയും സേവനങ്ങളുടെയും കടകളും സ്ഥാനപങ്ങള്‍ക്കും രാത്രി ഏഴുവരെ പ്രവര്‍ത്തിക്കാം. മറ്റു സ്ഥാപനങ്ങളും ബീച്ച്‌, പാര്‍ക്ക്, വിനോദ കേന്ദ്രങ്ങള്‍ എന്നിവ തുറന്ന് പ്രവര്‍ത്തിക്കാന്‍ പാടില്ല.അതേസമയം പൊതു ഗതാഗത സംവിധാനം സാധാരണ നിലയില്‍ പ്രവര്‍ത്തിക്കുമെന്നും ഉത്തരവില്‍ വ്യക്തമാക്കി.
മേല്‍ നിയന്ത്രണങ്ങള്‍ ലംഘിക്കുന്നവര്‍ക്കെതിരെ 2005ലെ ദുരന്ത നിവാരണ നിയമത്തിന്‍റെ 51 മുതല്‍ 60 വരെയുള്ള വകുപ്പുകള്‍ പ്രകാരവും ഇന്ത്യന്‍ പീനല്‍ കോഡിന്‍റെ 188ാം വകുപ്പ് പ്രകാരവും മറ്റു ചട്ടങ്ങളും ഉള്‍പ്പെടുത്തി നിയമനടപടി സ്വീകരിക്കും.
