ന്യൂഡല്ഹി; കോവിഡിനെതിരായ പോരാട്ടത്തില് പ്രധാന ആയുധം വാക്സിനേഷനെന്ന് പ്രധാനമന്ത്രി നരേന്ദ്ര മോദി. കോവിഡ് വ്യാപനം രൂക്ഷമായ സാഹചര്യത്തില് സ്ഥിതിഗതികള് വിലയിരുത്തുന്നതിന് രാജ്യത്തുടനീളമുള്ള ഡോക്ടര്മാരുമായി വിഡീയോ കോണ്ഫറന്സിലൂടെ ചര്ച്ച നടത്തുകയായിരുന്നു പ്രധാനമന്ത്രി.
‘കഴിഞ്ഞ വര്ഷം ഇതേ സമയം ഡോക്ടര്മാരുടെ കഠിനാധ്വാനവും രാജ്യത്തിന്റെ തന്ത്രവുംമൂലമാണ് കൊറോണ വൈറസ് തരംഗത്തെ നിയന്ത്രിക്കാന് നമുക്ക് കഴിഞ്ഞത്. ഇപ്പോള് രാജ്യം കോവിഡിന്റെ രണ്ടാം തരംഗത്തെ അഭിമുഖീകരിക്കുന്നു, എല്ലാ ഡോക്ടര്മാരും, ആരോഗ്യപ്രവര്ത്തകരും മഹാമാരിയെ പൂര്വ്വാധികം ശക്തിയോടെ നേരിടുന്നു, ദശലക്ഷക്കണക്കിന് ആളുകളുടെ ജീവന് രക്ഷിക്കുന്നു’ മോദി പറഞ്ഞു.