ബാംഗ്ലൂര്: കര്ണാടകത്തില് പാടത്ത് ജോലി ചെയ്യുകയായിരുന്ന മൂന്നുപേര് മിന്നലേറ്റ് മരിച്ചു. കടക്കോലില് ഗ്രാമത്തില് ശനിയാഴ്ച വൈകീട്ടോടെയാണ് സംഭവം. പ്രദേശവാസികളായ മാരുതി ഗോശാലനവര് (48), ശരണപ്പ അദ്വായി (35), കുമാര്മദാര് ( 25) എന്നിവരാണ് മരിച്ചത്.
കുമാര്മദാര് ഒഴികെ മറ്റു രണ്ടുപേരും സംഭവസ്ഥലത്ത് മരിച്ചു. കുമാര്മദാറിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
സമീപപ്രദേശത്തെ നാലു കര്ഷകര്ക്കും മിന്നലേറ്റ് പരിക്കേറ്റു. ഇവരെ സ്വകാര്യ ആശുപത്രിയില് പ്രവേശിപ്പിച്ചു.ചിക്കമഗളൂരുവിലെ കൊപ്പ താലൂക്കിലും മൂന്നു സ്ത്രീകള്ക്ക് മിന്നലേറ്റു. വീടിനുസമീപം സംസാരിക്കുന്നതിനിടെയാണ് മിന്നലേറ്റത്.