ന്യൂഡല്ഹി: . കിഴക്കന് ഡല്ഹിയിലെ ന്യൂ അശോക് നഗറില് കഴിഞ്ഞ ദിവസം രാത്രിയാണ് സംഭവം. 38കാരിയെ അടിച്ചുകൊന്ന കേസില് 35കാരനാണ് അറസ്റ്റിലായത്. തന്റെ ഫോണ്നമ്പര് യുവതി ബ്ലോക്ക് ചെയ്ത അരിശമാണ് കൊലപാതകത്തിലേക്ക് നയിച്ചതെന്ന് ഈസ്റ്റ് ഡല്ഹി ഡെപ്യൂട്ടി പൊലീസ് കമീഷണര് ദീപക് യാദവ് പറഞ്ഞു. യുവാവും യുവതിയും വെവ്വേറെ കുടുംബജീവിതം നയിക്കുന്നവരാണെങ്കിലും ഇരുവരും തമ്മില് അടുപ്പത്തിലായിരുന്നു.വീട്ടുജോലിക്കാരിയായ റാണി എന്ന സ്ത്രീയാണ് കൊല്ലപ്പെട്ടത്. റാണിയുടെ അയല്വാസിയും ഓട്ടോറിക്ഷാഡ്രൈവറുമായ ഗംഗാറാം ദാസിനെയാണ് പൊലീസ് അറസ്റ്റ് ചെയ്തത്. ദാസ് പലപ്പോഴായി റാണിയില്നിന്ന് പണം കടംവാങ്ങിയിരുന്നു. തന്നെ വിവാഹം കഴിക്കണമെന്ന റാണിയുടെ ആവശ്യം അംഗീകരിക്കാനും ഇയാള് തയാറായില്ല. തുടര്ന്ന് ബന്ധം അവസാനിപ്പിക്കാനായിരുന്നു യുവതിയുടെ തീരുമാനം. എന്നാല്, ദാസ് ഇത് സമ്മതിച്ചില്ല.
കുറച്ച് ആഴ്ചകളായി ദാസിന്റെ ഫോണ്കാളുകള് യുവതി എടുക്കാറില്ലായിരുന്നു. പിന്നാലെ ഇയാളുടെ നമ്പര് ബ്ലോക്ക് ചെയ്യുകയും ചെയ്തു. കഴിഞ്ഞ ദിവസം റാണിയെ കണ്ട് ഹോട്ടലില് എത്തണമെന്ന് ദാസ് ആവശ്യപ്പെടുകയായിരുന്നു.’ഉച്ചക്ക് ഒരു മണിയോടെയാണ് ഇവര് ഹോട്ടലിലെത്തിയത്. ദാസിന്റെ നമ്പര് ബ്ലോക്ക് ചെയ്തതുമായി ബന്ധപ്പെട്ട് ഇവര്ക്കിടയില് വാഗ്വാദം നടക്കുകയായിരുന്നു. വാക്കുതര്ക്കം മുര്ച്ഛിച്ചതിനുപിന്നാലെ ഇയാള് യുവതിയെ നിര്ദാക്ഷിണ്യം മര്ദിക്കുകയും അവര് മരിക്കുകയുമായിരുന്നു. ഇവര് തമ്മില് തര്ക്കം നടക്കുന്ന വിവരം രാത്രി പത്തു മണിയോടെ ഹോട്ടല് അധികൃതര് പൊലീസിനെ അറിയിച്ചതിനെ തുടര്ന്ന് യുവാവിനെ അറസറ്റ് ചെയ്യുകയായിരുന്നു. .