എന്ഗോളോ ഡി ഓര് പുരസ്കാരത്തിന് അര്ഹന്; ദെഷാംപ്സ്
പാരിസ്: എന്ഗോളോ കാന്റെ ബാലന് ഡി ഓര് പുരസ്കാരത്തിന് പൂര്ണമായും അര്ഹനാണെന്ന് ഫ്രാന്സ് കോച്ച് ദിദിയര് ദെഷാംപ്സ്. ചാംപ്യന്സ് ലീഗില് മാഞ്ചസ്റ്റര് സിറ്റിയെ തോല്പ്പിച്ച് ചെല്സി കിരീടം ചൂടിയപ്പോള് അതില് പ്രധാനപങ്കുവഹിച്ചിരുന്നത് കാന്റേയായിരുന്നു. ചാമ്പ്യന്സ് ലീഗിന്റെ ഫൈനലിലും സെമി ഫൈനലിലും മാന് ഓഫ് ദി മാച്ചായി തെരഞ്ഞെടുക്കപ്പെട്ടത് കാന്റെയായിരുന്നു.”കാന്റേക്ക് സ്ട്രൈക്കര്ക്കുള്ള റെക്കോര്ഡുകളില്ല. അദ്ദേഹം കുറച്ച് ഗോളുകളേ സ്കോര് ചെയ്തിട്ടുള്ളൂ. പക്ഷേ അദ്ദേഹം എന്താണ് ചെയ്തതെന്ന് കഴിഞ്ഞ കളികളില് വ്യക്തമാണ്. ചാമ്പ്യന്സ് ലീഗ് ഫൈനലില് അദ്ദേഹമായിരുന്നു ഡ്രൈവിങ് ഫോഴ്സ്. ബാലന്ഡി ഓര് അദ്ദേഹം അര്ഹിക്കുന്നുണ്ട്. എന്താണ് അതിന്റെ മാനദണ്ഡം എന്ന് നമുക്കറിയാം. ആക്രമണ ഫുട്ബാള് കളിക്കുന്ന താരങ്ങളെയാണ് കൂടുതലായും അതിനായി പരിഗണിക്കുന്നത്. അദ്ദേഹം ഫ്രാന്സ് ടീമിന്റെയും ഡ്രൈവിങ് ഫോഴ്സാണ്. ചിലരദ്ദേഹത്തിന്റെ വലുപ്പം വെച്ച് ചെറുതാണെന്ന് പറയുന്നു. പക്ഷേ അദ്ദേഹം വലുതാണ്” -ദെഷാംപ്സ് പറഞ്ഞു.