തിരുവനന്തപുരം : സംസ്ഥാനത്ത് കൊവിഡിന്റെ രണ്ടാംതരംഗത്തിന് കാരണമായത് ഡെല്റ്റ വകഭേദമെന്ന് മുഖ്യമന്ത്രി പിണറായി വജയന് പറഞ്ഞു. വാക്സിന് എടുത്തവരിലും രോഗം ഭേദമായവരിലും രോഗമുണ്ടാക്കാന് ഡെല്റ്റാ വൈറസിന് കഴിയും. എങ്കിലും രോഗം രൂക്ഷമാകാനും മരണം സംഭവിക്കാനുമുള്ള സാദ്ധ്യത കണ്ടെത്തിയിട്ടില്ലെന്നും മുഖ്യമന്ത്രി വ്യക്തമാക്കി. നേരത്തെ ഒരാളില് നിന്നും 2 – 3 പേരിലേക്കാണ് രോഗം വ്യാപിച്ചിരുന്നതെങ്കില് ഡെല്റ്റാ വൈറസ് 5-10 പേരിലേക്ക് പകരാന് സാധ്യതയുള്ളതാണ്. അതുകൊണ്ടുതന്നെ ഈ ഘട്ടത്തില് കൊവിഡ് പെരുമാറ്റ ചട്ടങ്ങള് കൂടുതല് കര്ശനമായി പാലിക്കേണ്ടതുണ്ട്. ഇരട്ട മാസ്ക് ധരിക്കുന്നതിന് പുറമേ ആഹാരം കഴിക്കാനും മറ്റും മാസ്ക് നീക്കം ചെയ്യേണ്ടിവരുന്ന സന്ദര്ഭങ്ങളില് മറ്റുള്ളവരുമായി ശരീരദൂരം പാലിക്കാന് പ്രത്യേകം ശ്രദ്ധിക്കേണ്ടതാണെന്നും മുഖ്യമന്ത്രി പറഞ്ഞു.
Related Articles
Check Also
Close
-
ഇഗ്നോയിൽ പ്രവേശനം നേടാംJune 13, 2023 12:30 PM