![“Manju”](https://santhigirinews.org/wp-content/uploads/2020/04/YOUTUBE.jpg")
ഗസ്സയില്‍ വീണ്ടും ബോംബാക്രമണവുമായി ഇസ്രായേല്‍. ബെയ്ത് ലാഹിയയിലെയും വിവിധ കേന്ദ്രങ്ങളിലാണ് വ്യാഴാഴ്ച രാത്രിയില്‍ ആക്രമണമുണ്ടായത്. ആക്രമണത്തിനെത്തിയ ഒരു ഡ്രോണ്‍ ഗസ്സ പട്ടണത്തിന് പടിഞ്ഞാറുഭാഗത്ത് തകര്‍ത്തതായി റിപ്പോര്‍ട്ട്. ഇസ്രായേലിനെതിരെ ഹമാസ് നേതൃത്വത്തില്‍ ആക്രമണം നടന്നതായും റിപ്പോര്‍ട്ടുണ്ട്.
അഗ്നി ബലൂണുകള്‍ തൊടുക്കുന്നത് തുടരുന്ന സാഹചര്യത്തിലാണ് ആക്രമണമെന്നാണ് ഇസ്രായേല്‍ വിശദീകരണം. തുടര്‍ച്ചയായ മൂന്നാം ദിവസമാണ് ഇത്തരം ബലൂണുകള്‍ ഗസ്സയില്‍നിന്ന് ഇസ്രായേല്‍ അതിര്‍ത്തി കടക്കുന്നത്. ബുധനാഴ്ച പുലര്‍ച്ചെയും ഇസ്രായേല്‍ ഗസ്സ മുനമ്പില്‍ ആക്രമണം നടത്തിയിരുന്നു.
