മൊഡേണ വാക്സിന് യു.എ.ഇ.യുടെ അനുമതി
ദുബൈ: മൊഡേണ വാക്സിെന്റ അടിയന്തര ഉപയോഗത്തിന് യു.എ.ഇ അനുമതി നല്കി. ഇതോടെ യു.എ.ഇ അംഗീകരിച്ച വാക്സിനുകളുടെ എണ്ണം അഞ്ചായി. സിനോഫാം, ആസ്ട്രസെനക, ഫൈസര്, സ്പുട്നിക് എന്നിവയാണ് യു.എ.ഇ അംഗീകരിച്ച വാക്സിനുകള്.
ക്ലിനിക്കല് പരീക്ഷണങ്ങള്ക്ക് ശേഷമാണ് വാക്സിന് വിതരണത്തിനൊരുങ്ങുന്നത്. പരീക്ഷണത്തില് ഫലപ്രദവും സുരക്ഷിതവുമാണെന്ന് കണ്ടെത്തിയിരുന്നു. 94 ശതമാനം ഫലപ്രദമാണെന്നാണ് വിലയിരുത്തല്. വാക്സിനെടുക്കുന്നവര്ക്ക് കോവിഡ് ബാധിച്ചാലും ആശുപത്രിവാസം ആവശ്യം വരില്ലെന്നും കരുതുന്നു. യു.എ.ഇ കേന്ദ്രീകരിച്ച് പ്രവര്ത്തിക്കുന്ന മജന്ത ഇന്വസ്റ്റുമെന്റുമായി സഹകരിച്ചാണ് വാക്സിന് വിതരണം. കോവിഡിനെതിരായ പോരാട്ടത്തിന് ബലം നല്കുന്നതാണ് പുതിയ വാക്സിന് അംഗീകാരം നല്കിയ തീരുമാനമെന്ന് അധികൃതര് പറഞ്ഞു.
രാജ്യത്ത് ഏറ്റവും കൂടുതല് വിതരണം ചെയ്യുന്നത് ഫൈസറും സിനോഫാമുമാണ്. ഫൈസറിന് സമാനമായ എം.ആര്.എന്.എ ടെക്നോളജിയാണ് മൊഡേണയിലും ഉപയോഗിക്കുന്നത്. നാലാഴ്ചയുടെ ഇടവേളയിലാണ് രണ്ട് ഡോസ് എടുക്കേണ്ടത്. രണ്ടാം ഡോസ് എടുത്ത ശേഷം രണ്ടാഴ്ച പിന്നിടുേമ്ബാള് ശരീരം പൂര്ണ പ്രതിരോധശേഷി കൈവരിക്കും. ദക്ഷിണാഫ്രിക്ക, ബ്രസീല് എന്നിവിടങ്ങളില് കണ്ടെത്തിയ ബീറ്റ, ഗാമ വേര്ഷനുകളെ പ്രതിരോധിക്കാന് ഫലപ്രദമായ ബൂസ്റ്റര് ഡോസ് മേയില് മൊഡേണ പ്രഖ്യാപിച്ചിരുന്നു.