ലോകത്തിലെ ഏറ്റവും വലിയ വജ്രങ്ങളിലൊന്ന് ബോട്സ്വാനയില്
ഗാബറോണ്: ലോകത്തിലെ ഏറ്റവും വലിയ വജ്രങ്ങളുടെ ഉറവിടമായി മാറിയിരിക്കുകയാണ് ബോട്സ്വാന. ആഫ്രിക്കയിലെ ഏറ്റവും വലിയ വജ്ര ഉല്പ്പാദക രാജ്യവും ബോട്സ്വാന തന്നെയാണ് . ഇവിടെ നിന്ന് വീണ്ടും വലിയ വജ്രം കണ്ടെടുത്തു .1,174 കാരറ്റിന്റെ വജ്രക്കല്ലാണ് വിദഗ്ദര് കണ്ടെത്തിയത്. ലോകത്തിലെതന്നെ ഏറ്റവും വലിയ വജ്രക്കല്ലുകളിലൊന്ന് ബോട്സ്വാനയില് കണ്ടെടുത്തത് കഴിഞ്ഞ മാസമായിരുന്നു. ജൂണ് 12 നാണ് കനേഡിയന് ഡയമണ്ട് കമ്പനിയായ ലുകാര പുതിയ വജ്രം കണ്ടെടുത്തത്. വജ്രത്തിന് മനുഷ്യന്റെ കൈപ്പത്തിയോളം വലിപ്പമുള്ളതായാണ് റിപ്പോര്ട്ട്.
വജ്രക്കല്ല് കമ്പനി രാജ്യത്തെ കാബിനറ്റില് സമര്പ്പിച്ചു. ബോട്സ്വാനക്കും കമ്പനിക്കും ഇത് ചരിത്ര നിമിഷമാണെന്ന് എം ഡി നസീം ലാഹ്രി പറഞ്ഞു. ലോകത്തിലെ ഏറ്റവും വലിയ മൂന്നാമത്തെ വജ്രക്കല്ലായി ഇത് മാറുമെന്നാണ് റിപ്പോര്ട്ടുകള്.കഴിഞ്ഞമാസം ബോട്സ്വാനന് വജ്രകമ്പനിയായ ഡേബ്സ്വാനാണ് ഏറ്റവും വലിയ വജ്രങ്ങളിലൊന്ന് കണ്ടെടുത്തത്. ലോകത്തിലെ ഏറ്റവും വലിയ മൂന്നാമത്തെ വജ്രമെന്ന് അവകാശപ്പെട്ട അത് 1098 കാരറ്റ് ആയിരുന്നു. അതിന്റെ റെക്കോര്ഡ് മറികടക്കുന്നതാണ് ഇപ്പോള് കണ്ടെത്തിയ വജ്രം. വലിയ പത്ത് വജ്രങ്ങളിലെ ആറെണ്ണവും ബോട്സ്വാനയില്നിന്നാണ്.