തമിഴ്നാട് അദ്ധ്യക്ഷനായി മുന് ഐപിഎസ് ഓഫീസര് അണ്ണാമലൈയെ നിയോഗിച്ച് കേന്ദ്രം. മുന് ഐപിഎസ് ഉദ്യോഗസ്ഥനായ അണ്ണാമലൈ കുപ്പുസ്വാമിയെയാണ് തമിഴ്നാട് പാര്ട്ടി അദ്ധ്യക്ഷനായി ബിജെപി പ്രഖ്യാപിച്ചത്. എല്. മുരുഗന് കേന്ദ്ര സഹമന്ത്രിയായ ഒഴിവിലാണ് നിയമനം. തമിഴ്നാട് ബി.ജെ.പി അധ്യക്ഷ പദവിയിലെത്തുന്ന ഏറ്റവും പ്രായംകുറഞ്ഞ വ്യക്തിയാണ് 37കാരനായ അണ്ണാമലൈ. പാര്ട്ടിയില് ചേര്ന്ന് ഒരു വര്ഷത്തിനുള്ളില് ഒരാള് സംസ്ഥാന അധ്യക്ഷ പദവിയില് എത്തുന്നതും ഇതാദ്യമായാണ്.
കോയമ്പത്തൂരിലെ പ്രശസ്തമായ കോളജില് നിന്നും എന്ജിനിയറിങ് പാസായ അണ്ണാമലൈ ഐ.ഐ.എം ലഖ്നോവില് നിന്ന് എം.ബി.എ ബിരുദവും കരസ്ഥമാക്കിയിട്ടുണ്ട്. കഴിഞ്ഞ വര്ഷം ആഗസ്റ്റില് ബി.ജെ.പിയില് ചേര്ന്ന അണ്ണാമലൈ നിലവില് സംസ്ഥാന വൈസ് പ്രസിഡന്റാണ്.