IndiaLatest

 ടോക്യോ ഒളിമ്പിക്‌സിനുള്ള ഇന്ത്യന്‍‍ സംഘത്തിന് ആശംസയുമായി സച്ചിന്‍

“Manju”

മുംബൈ: ടോക്യോ ഒളിമ്പിക്‌സിനുള്ള ഇന്ത്യന്‍ സംഘത്തിന് ആശംസയുമായി ക്രിക്കറ്റ് ഇതിഹാസം സച്ചിന്‍ തെന്‍ഡുല്‍കര്‍. കോവിഡ് സൃഷ്ടിച്ച പ്രയാസകരമായ സമയം മറികടന്നാണ് താരങ്ങള്‍ ഒളിംപിക്‌സിനായി പോകുന്നത്. അതിനാല്‍ രാജ്യത്തിനായി മെഡല്‍ നേടാന്‍ ഇവര്‍ക്കാകട്ടെയെന്നും സചിന്‍ പറഞ്ഞു. ‘സ്വപ്നങ്ങളെ പിന്തുടരൂ.’ 24 വര്‍ഷം നീണ്ട, ഏതാണ്ട് എല്ലാ നേട്ടങ്ങളും സ്വന്തമാക്കിയ കരിയര്‍ കെട്ടിപ്പടുക്കാന്‍ തന്നെ മുന്നോട്ട് നയിച്ച അതേ വാക്കുകളാണ് ഒളിംപിക്‌സില്‍ താരങ്ങളോടും അദ്ദേഹത്തിന് പങ്കുവയ്ക്കാനുള്ളത്.

കോവിഡ് പ്രതിസന്ധി മറികടക്കാന്‍ താരങ്ങളെടുത്ത കഠിനാധ്വാനം ചെറുതല്ല. തന്റെ ക്രിക്കറ്റ് കരിയര്‍ തന്നെ പ്രതിസന്ധിയിലാക്കിയ ടെന്നീസ് എല്‍ബോ എന്ന പരിക്കിനെ താന്‍ എങ്ങനെ മറികടന്നുവെന്നും സച്ചിന്‍ ഓര്‍ത്തു. ടോക്യോയിലേക്ക് പോകുന്ന അത്‌ലറ്റിക് സംഘത്തിന് അത്‌ലറ്റിക് ഫെഡറേഷന്‍ ഓണ്‍ലൈന്‍ വഴി നല്‍കിയ യാത്രയയപ്പ് ചടങ്ങില്‍ സച്ചിന് പുറമേ, ഒളിംപിക് അസോസിയേഷന്‍ പ്രസിഡന്റ് നരീന്ദര്‍ ബത്ര, വൈസ് പ്രസിഡന്റും ഒളിംപ്യനുമായ അഞ്ജു ബോബി ജോര്‍ജ് എന്നിവരും പങ്കെടുത്തു.

Related Articles

Back to top button