ബംഗളൂരു: കര്ണാടകയിലെ ബസവരാജ് ബൊമ്മെ മന്ത്രിസഭയില് പുതിയ മന്ത്രിമാര് ആഗസ്റ്റ് 4 ന് സത്യപ്രതിജ്ഞ ചെയ്തേക്കും. യെദിയൂരപ്പ മന്ത്രിസഭയിലെ അംഗങ്ങളും പുതിയ മന്ത്രിമാരും അടക്കം ഏഴുപേരാണ് ബുധനാഴ്ച സത്യപ്രതിജ്ഞചെയ്യുക. അതെ സമയം കേന്ദ്രനേതൃത്വത്തിന്റെ അനുമതി ലഭിച്ചാല് അടുത്തയാഴ്ച തന്നെ 20 അംഗ മന്ത്രിസഭയായി വിപുലീകരിച്ചേക്കും.
മുഖ്യമന്ത്രിയായിരുന്ന ബി.എസ്. യെദിയൂരപ്പ രാജിവെച്ചതോടെ ബസവരാജ് ബൊമ്മൈ കഴിഞ്ഞ ബുധനാഴ്ച മുഖ്യമന്ത്രിയായി സത്യപ്രതിജ്ഞ ചെയ്ത് ചുമതലയേറ്റിരുന്നു . അതിനിടെ ഡല്ഹിയിലെത്തി നേതാക്കളെ കണ്ടിരുന്നു. മന്ത്രിസഭ വിപുലീകരണത്തിന്റെ ഭാഗമായി തിങ്കളാഴ്ച വീണ്ടും ഡല്ഹിയിലേക്ക് തിരിക്കുമെന്നാണ് റിപ്പോര്ട്ട്.
മന്ത്രിമാരെ തീരുമാനിക്കുന്നത് സംബന്ധിച്ച് യാതൊരു പട്ടികയും തന്റെ പക്കല് ഇല്ലെന്നും കേന്ദ്ര നേതൃത്വമാണ് അവ തീരുമാനിക്കുകയെന്നും ബൊമ്മൈ ചൂണ്ടിക്കാട്ടി. തിങ്കളാഴ്ച ഡല്ഹിയിലെത്തിയ ശേഷമാകും മന്ത്രിമാരെക്കുറിച്ച് തീരുമാനമെടുക്കുക. ബുധനാഴ്ച സത്യപ്രതിജ്ഞയും നടത്തുമെന്നും ബി.ജെ.പി വൃത്തങ്ങള് സൂചിപ്പിക്കുന്നു .