![“Manju”](https://santhigirinews.org/wp-content/uploads/2020/04/YOUTUBE.jpg")
പട്ന: ലോക്സഭ എം.പി രാജീവ് രജ്ഞന്‍ സിങ് അഥവാ ലലന്‍ സിങ് ഇനി ജെ.ഡി.യു ദേശീയ അധ്യക്ഷന്‍. ഡല്‍ഹിയില്‍ നടന്ന ദേശീയ നിര്‍വാഹക സമിതി യോഗത്തിലാണ് നേതൃമാറ്റം പ്രഖ്യാപിച്ചത്. അധ്യക്ഷനായിരുന്ന ആര്‍.സി.പി സിങ് കേന്ദ്രമന്ത്രിയായതോടെ പാര്‍ട്ടി സ്ഥാനം ഒഴിഞ്ഞ കാരണത്താലാണ് ലലന്‍ സിങ്ങിനെ തെരഞ്ഞെടുത്തത്.
ആര്‍.സി.പി. സിങ് തന്നെയാണ് ലലന്‍ സിങ്ങിന്റെ പേര് നിര്‍ദേശിച്ചതും. ലലന്‍ സിങ്ങിനെ പിന്നീട് ഒറ്റക്കെട്ടായി നേതൃത്വം തെരഞ്ഞെടുക്കുകയായിരുന്നു. ബിഹാര്‍ മുഖ്യമന്ത്രി നിതീഷ് കുമാറും യോഗത്തില്‍ പങ്കെടുത്തിരുന്നു.
മുന്‍ഗര്‍ മണ്ഡലത്തെ പ്രതിനിധീകരിക്കുന്ന ലോക്സഭാംഗമാണ് ലലന്‍ സിങ്. പാര്‍ട്ടിയുടെ നാലാമത്തെ അധ്യക്ഷനാണ് ഇദ്ദേഹം. ശരദ് യാദവ്, നിതീഷ് കുമാര്‍, ആര്‍.സി.പി. സിങ് എന്നിവരാണ് മുന്‍ഗാമികള്‍. 2005 മുതല്‍ 2010 ഫെബ്രുവരി വരെ ജെ.ഡി.യുവിന്റെ ബിഹാര്‍ സംസ്ഥാന അധ്യക്ഷനുമായിരുന്നു ഇദ്ദേഹം.
