![“Manju”](https://santhigirinews.org/wp-content/uploads/2020/04/YOUTUBE.jpg")
ടോക്യോ ഒളിമ്പിക്സില്‍ വെളളിയണിഞ്ഞ് നാടിന്‍റെ അഭിമാനം ഉയര്‍ത്തിയ മീരാഭായ് ചാനുവിന്‍റെ മറ്റൊരു ആഗ്രഹംകൂടി സഫലമായി. വെള്ളിത്തിരയിലെ തന്‍റെ ആരാധനാമൂര്‍ത്തിയെ നേരിട്ട് കാണണമെന്ന മീരാഭായിയുടെ ആഗ്രഹമാണ് പൂവണിഞ്ഞത്. ഒരിക്കല്‍ തന്‍റെ ഇഷ്ട നടന്‍ ആരാണെന്ന ചോദ്യത്തിന് സല്‍മാന്‍ ഖാന്‍ എന്നായിരുന്നു മീര നല്‍കിയ ഉത്തരം. അവസാനം തന്‍റെ ഇഷ്ടതാരത്തെ നേരിട്ട് കണ്ടിരിക്കുകയാണ് അവര്‍. ബോളിവുഡിെന്‍റ സുല്‍ത്താന്‍ സല്‍മാന്‍ ഖാനോടൊപ്പം മീരാഭായി നില്‍ക്കുന്ന ചിത്രം താരം തന്നെയാണ് ഇന്‍സ്റ്റഗ്രാമിലൂടെ പുറത്തുവിട്ടത്. ‘വെള്ളി മെഡല്‍ ജേതാവിനെ കാണാനായതില്‍ സന്തോഷം. മികച്ചൊരു കൂടിക്കാഴ്ച്ചയായിരുന്നു അത്. എല്ലായിപ്പോഴും ആശംസകള്‍’-സല്‍മാന്‍ ഇന്‍സ്റ്റഗ്രാമില്‍ കുറിച്ചു.
ഇതേചിത്രം മീരാഭായ് തന്‍റെ ട്വിറ്റര്‍ ഹാന്‍ഡിലിലും നല്‍കിയിട്ടുണ്ട്.’വളരെയധികം നന്ദി സല്‍മാന്‍ സര്‍. ഞാന്‍ നിങ്ങളുടെ വലിയ ആരാധികയാണ്. ഒരു സ്വപ്നം സാക്ഷാത്കരിച്ച അനുഭമായിരുന്നു അത്’-മീരാഭായ് ചിത്രത്തിനൊപ്പം കുറിച്ചു.ടോക്യോ ഒളിമ്പിക്സില്‍ ഭാരോദ്വഹനത്തില്‍ വെള്ളി സ്വന്തമാക്കിയ സായ്കോം മീരാഭായ് ചാനു രാജ്യത്തിന്‍റെ അഭിമാനം ഉയര്‍ത്തിയിരുന്നു.
