“വാതില്പ്പടി സേവനം’ പദ്ധതിയുടെ ആദ്യഘട്ടം സെപ്റ്റംബറില് ; മുഖ്യമന്ത്രി
തിരുവനന്തപുരം: പാവപെട്ട ജനങ്ങളുടെ സഹായത്തിനായി സര്ക്കാര് പ്രഖ്യാപിച്ച “വാതില്പ്പടി സേവനം’ പദ്ധതിയുടെ ആദ്യഘട്ടം സെപ്റ്റംബറില് 50 തദ്ദേശ സ്വയംഭരണ സ്ഥാപനങ്ങളിലായി ആരംഭിക്കുമെന്ന് മുഖ്യമന്ത്രി പിണറായി വിജയന്. ഈ പദ്ധതി ഡിസംബറില് ആണ് സംസ്ഥാന വ്യാപകമാക്കുന്നതെന്നും പദ്ധതിയുടെ ആലോചനാ യോഗത്തില് മുഖ്യമന്ത്രി പറഞ്ഞു.
ആദ്യ ഘട്ടത്തില് ലഭ്യമാക്കാന് ഉദ്ദേശിക്കുന്നത് സാമൂഹിക സുരക്ഷ പെന്ഷന്, അടിയന്തരാവശ്യത്തിനുള്ള മരുന്നുകള് എത്തിച്ചുനല്കല്, പാലിയേറ്റീവ് കെയര് ,ആജീവനാന്ത സര്ട്ടിഫിക്കറ്റ് ലഭ്യമാക്കല്, മുഖ്യമന്ത്രിയുടെ ദുരിതാശ്വാസ നിധിയില് നിന്ന് ധനസഹായം ലഭ്യമാക്കുന്നതിനുള്ള അപേക്ഷ തയാറാക്കല് തുടങ്ങിയ സേവനങ്ങളാണ്.