പൂന: കോവിഡിനെതിരായ പ്രതിരോധ വാക്സിന് സ്വീകരിക്കുന്നവര്ക്ക് ആദ്യ ഡോസും രണ്ടാം ഡോസും വ്യത്യസ്ത വാക്സിന് നല്കുന്നതിനെ അനുകൂലിക്കുന്നില്ലെന്ന് സിറം ഇന്സ്റ്റിറ്റ്യൂട്ട് ഓഫ് ഇന്ത്യ (സിഐഐ) ചെയര്മാന് ഡോ. സൈറസ് പൂനാവാല.
“രണ്ടു വ്യത്യസ്ത വാക്സിനുകള് മിക്സ് ചെയ്യന്നതിനോട് യോജിക്കുന്നില്ല . വ്യത്യസ്ത വാക്സിനുകള് ഉപയോഗിക്കേണ്ട ആവശ്യമില്ല. കോക്ടെയ്ല് വാക്സിന് ഉപയോഗിച്ചശേഷം ഫലം നല്ലതല്ലെങ്കില് സിറം ഇന്സ്റ്റിറ്റ്യൂട്ട് പറയുക മറ്റേ വാക്സിനു ഗുണമില്ലെന്നായിരിക്കും. മറ്റു കമ്പനി തിരിച്ചും പറയാം.” സൈറസ് പൂനാവാലാ ചൂണ്ടിക്കാട്ടി .
കോവിഷീല്ഡ് നിര്മാതാക്കളാണ് സിറം ഇന്സ്റ്റിറ്റ്യൂട്ട്. വ്യത്യസ്ത ഡോസുകള് മികച്ച പ്രതിരോധ ശേഷി നല്കുന്നുണ്ടെന്ന് ഈയിടെ ഐസിഎംആര് നടത്തിയ പഠനത്തില് ചൂണ്ടിക്കാട്ടിയിരുന്നു .