ടെസ്റ്റ് ചാമ്പ്യൻഷിപ്പ് : ഇന്ത്യ ഇന്ന് ഇംഗ്ലണ്ടിലേക്ക്

മുംബൈ: ന്യൂസിലാന്റിനെതിരായ ലോക ടെസ്റ്റ് ചാമ്പ്യൻഷിപ്പിനും ഇംഗ്ലണ്ടിനെതിരായ ടെസ്റ്റ് പരമ്പരയ്ക്കുമായി ഇന്ത്യൻ ക്രിക്കറ്റ് ടീം ഇന്ന് യാത്ര തിരിക്കും. ഇന്ന് വൈകിട്ടാണ് മുംബൈയിൽ നിന്നും പ്രത്യേക വിമാനത്തിൽ ടീം യാത്രതിരിക്കുന്നത്. മെയ് മാസ് 25-ാം തിയതി മുതൽ സുരക്ഷാ ബബിളിൽ പ്രവേശിച്ച ടീം അംഗങ്ങൾ ഇംഗ്ലണ്ടിലെത്തിയാലും ക്വാറ ന്റൈനിൽ കഴിഞ്ഞ ശേഷമാകും മത്സരത്തിനിറങ്ങുക.

ന്യൂസിലാൻറുമായി ലോർഡ്‌സ് മൈതാനത്താണ് ഇന്ത്യ ഏറ്റുമുട്ടുന്നത്. ഈ മാസം 18-ാം തിയതി മുതൽ 22 വരെയാണ് ടെസ്റ്റ് ചാമ്പ്യൻഷിപ്പ് ഫൈനൽ നടക്കുന്നത്. കാണികളെ പ്രവേശിപ്പിച്ചുകൊണ്ട് മത്സരം നടത്താൻ ഇംഗ്ലണ്ട് ആരോഗ്യവകുപ്പ് അനുമതി നൽകിയിട്ടുണ്ട്. കാണികളുടെ എണ്ണം എത്രയാകണമെന്ന് തീരുമാനിച്ചിട്ടില്ല.

ഇംഗ്ലണ്ടുമായുള്ള ടെസ്റ്റുകൾ മാത്രമുള്ള പരമ്പര ആഗസ്റ്റ് മാസത്തിൽ ആരംഭിക്കും. ആദ്യ ടെസ്റ്റ് ആഗസ്റ്റ് നാലിനാണ് ആരംഭിക്കുന്നത്. അഞ്ച് ടെസ്റ്റുകളുടെ പരമ്പരയിൽ അവസാന മത്സരം സെപ്തംബർ 10 മുതൽ 14 വരെ നടക്കും. വനിതാ ക്രിക്കറ്റ് ടീം ഇംഗ്ലണ്ട് പര്യടനം ആരംഭിക്കു ന്നത് ജൂൺ 16നാണ്. ഒരു ടെസ്റ്റ്, മൂന്ന് ഏകദിനങ്ങളും ടി20 മത്സരങ്ങളുമാണുള്ളത്.

ടീ ഇന്ത്യയിലെ പുരുഷതാരങ്ങളിൽ വൃദ്ധിമാൻസാഹയും പ്രസിദ്ധ കൃഷ്ണയും കൊറോണ ഭേദമായതിനെ തുടർന്ന് ടീമിനൊപ്പം ചേർന്നിട്ടുണ്ട്. മുഖ്യപരിശീലകനായ രവിശാസ്ത്രിയും നായകൻ വിരാട് കോഹ്ലിയും രോഹിത് ശർമ്മയും അടക്കം ഇന്ന് ഇംഗ്ലണ്ടിലേക്ക് ടീമിനൊപ്പം യാത്രതിരിക്കും.