LatestThiruvananthapuram
പാസ്പോര്ട്ട് വെരിഫിക്കേഷന് അപേക്ഷകള് അതിവേഗം തീര്പ്പാക്കണം; ഡിജിപി
തിരുവനന്തപുരം ;പൊലീസ് ക്ലിയറന്സ്, പാസ്പോര്ട്ട് വെരിഫിക്കേഷന് എന്നിവയ്ക്കായി ലഭിക്കുന്ന അപേക്ഷകളില് കാലതാമസം കൂടാതെ നടപടി സ്വീകരിക്കാന് സംസ്ഥാന പൊലീസ് മേധാവി അനില് കാന്ത് എല്ലാ ജില്ലാ പൊലീസ് മേധാവിമാര്ക്കും നിര്ദ്ദേശം നല്കി.
ക്രിമിനല് കേസുകളില്പെട്ടവര്, ദേശീയ സുരക്ഷയ്ക്ക് ഭീഷണിയുണ്ടാക്കുന്നവര് എന്നിവരുടെ അപേക്ഷകളില് സൂക്ഷ്മപരിശോധന നടത്തണം. ഇത്തരം അപേക്ഷകള്ക്ക് അടിയന്തിര പ്രാധാന്യം നല്കണം. അപേക്ഷകളിന്മേല് അന്വേഷണം നടത്തി കഴിയുന്നതും 48 മണിക്കൂറിനുളളില് സര്ട്ടിഫിക്കറ്റ് നല്കാനും നിര്ദ്ദേശമുണ്ട്. അപേക്ഷകളില് കാലതാമസം ഉണ്ടാകുന്നില്ലന്ന് ഉറപ്പാക്കാന് റേഞ്ച് ഡി.ഐ.ജിമാരെ ഡിജിപി ചുമതലപ്പെടുത്തി.