![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: സംസ്ഥാനത്തെ കോവിഡ് പരിശോധനാരീതി പുതുക്കിയതായി ആരോഗ്യമന്ത്രി വീണാ ജോര്‍ജ് അറിയിച്ചു. ഇതിനോടനുബന്ധിച്ച്‌ വാക്സിനേഷന്‍ നില അടിസ്ഥാനമാക്കിയുള്ള മാര്‍ഗനിര്‍ദേശമാണ് പുറപ്പെടുവിക്കുക എന്നും മന്ത്രി വ്യക്തമാക്കി. സെന്റിനല്‍, റാന്‍ഡം സാമ്പിളുകളെ അടിസ്ഥാനമാക്കി കൂടുതല്‍ പേരെ പരിശോധിക്കുകയും, എല്ലാ ജില്ലകളിലും റാന്‍ഡം സാമ്പിളുകള്‍ എടുത്ത് രോഗ ബാധകളുടെ പുതിയ കേന്ദ്രങ്ങളും ക്ലസ്റ്ററുകളും വിലയിരുത്തുകയും ചെയുമെന്നും മന്ത്രി പറഞ്ഞു.
കടകള്‍, മാളുകള്‍, ഓഫീസുകള്‍, സ്ഥാപനങ്ങള്‍, ട്രാന്‍സിറ്റ് സൈറ്റുകള്‍ എന്നിങ്ങനെ ഉയര്‍ന്ന സാമൂഹിക സമ്പര്‍ക്കം ഉള്ള ആളുകള്‍ക്കിടയില്‍ ആന്റിജന്‍ പരിശോധന നടത്തും. കൂടാതെ 80 ശതമാനത്തിന് മുകളില്‍ ആദ്യ ഡോസ് വാക്സിന്‍ എടുത്ത തദ്ദേശ സ്ഥാപന പ്രദേശങ്ങളിലും ഈ രീതി പിന്തുടരുമെന്നും മന്ത്രി അറിയിച്ചു.
