പന്തളം: പന്തളത്ത് പ്രവര്ത്തിക്കുന്ന സി.എഫ്.എല് .ടി.സിയിലേക്ക് ചെങ്ങന്നൂര് ഐ.എച്ച്.ആര്.ഡി എന്ജിനീയറിങ് കോളജ് ഐ.ഇ.ഇ.ഇ സ്റ്റുഡന്റ് ബ്രാഞ്ചിന്റെ നേതൃത്വത്തില് അസിസ്റ്റിങ് റോബോട്ട് നിര്മിച്ചു നല്കി.
പന്തളം നഗരസഭയില് പ്രവര്ത്തിക്കുന്ന അര്ച്ചന ആശുപത്രിയിലെ കോവിഡ് സെന്ററില് കിടപ്പുരോഗികള്ക്ക് മരുന്നുകള്, ഭക്ഷണ സാധനങ്ങള് എന്നിവ രോഗികളുമായി നേരിട്ട് സമ്പര്ക്കം പുലര്ത്താതെ എത്തിക്കുന്നതിന് റോബോട്ട് സഹായകമാകും. കൂടാതെ ഡോക്ടര്ക്ക് നേരിട്ട് സമ്ബര്ക്കം പുലര്ത്താതെ രോഗികളുമായി തത്സമയ സംഭാഷണം നടത്തുന്നതിനും വിവരങ്ങള് അന്വേഷിച്ച് നിര്ദേശങ്ങള് കൊടുക്കുന്നതിനും സാധിക്കും.
ജീവനക്കാരുടെ നേരിട്ടുള്ള ഇടപെടലുകള് കുറച്ച് അവരുടെ ജോലിഭാരം കുറക്കുന്നതിനും രോഗം പകരുന്നത് തടയുന്നതിനും വേണ്ടി ഐ.എച്ച്.ആര്.ഡിയിലെ വിദ്യാര്ഥികളും അധ്യാപകരും ചേര്ന്നാണ് പദ്ധതി നടപ്പാക്കിയത്. റോബോ സൈറ്റ് എന്ന നഴ്സിങ് അസിസ്റ്റിങ് റോബോട്ട് പന്തളം സി.എഫ്.എല്.ടി.സിക്ക് കൈമാറുന്നതിന്റെ ഉദ്ഘാടനം നിയമസഭ ഡെപ്യൂട്ടി സ്പീക്കര് ചിറ്റയം ഗോപകുമാര് നിര്വഹിച്ചു.
നഗരസഭ ചെയര്പേഴ്സന് സുശീല സന്തോഷ് അധ്യക്ഷത വഹിച്ചു. പ്രിന്സിപ്പല് ഡോ. ജേക്കബ് തോമസ്, പ്രഫ. രാജേഷ്, മുഹമ്മദ് ഇഖ്ബാല്, വിഷു ജി. സാബു, രേഖ അനില്, പോള്രാജ്, അഡ്വ. രാധാകൃഷ്ണന് ഉണ്ണിത്താന്, സക്കീര്, ഡോ.ശ്യാം പ്രസാദ്, ജി. ജയരാജ്, നിസാര് എസ്. തവക്കല്, ഡോ. ദീപ, പ്രഫ. അനുപമ, ഡോ. ഹരീഷ് കുമാര് എന്നിവര് സംസാരിച്ചു.