ഗുവഹത്തി: കോവിഡ് നിയന്ത്രണങ്ങളില് ഇളവുകള് അനുവദിച്ചതിനെ തുടര്ന്ന് ആസാമില് തിങ്കളാഴ്ച മുതല് വിദ്യാഭ്യാസ സ്ഥാപനങ്ങള് തുറക്കുന്നു. പ്ലസ് ടൂ, അവസാന വര്ഷ ഡിഗ്രി, പിജി ക്ലാസുകളാണ് തുറക്കാന് തീരുമാനിച്ചിരിക്കുന്നത്.
ഒന്ന് മുതല് 11 വരെയുള്ള ക്ലാസുകളും ഡിഗ്രി ക്ലാസുകളിലെ ആദ്യ ഏഴ് സെമസ്റ്ററുകളും പിജി ആദ്യ വര്ഷ ക്ലാസുകളും ഓണ്ലൈനായി തന്നെ തുടരും.2020 മാര്ച്ചില് ലോക്ക്ഡൗണിനെ തുടര്ന്നാണ് സംസ്ഥാനത്തെ സ്കൂളുകള് അടച്ചത്.
അതേസമയം കഴിഞ്ഞ ദിവസം, തെലങ്കാനയില് സ്കൂളുകള് തുറക്കാനുള്ള തീരുമാനത്തെ ഹൈക്കോടതി സ്റ്റേ ചെയ്തിരുന്നു. സെപ്തംബര് 1 മുതല് സംസ്ഥാനത്ത് സ്കൂളുകള് തുറക്കാനായിരുന്നു തെലങ്കാന സര്ക്കാരിന്റെ തീരുമാനം. എന്നാല്, ഇപ്പോള് സ്കൂളുകള് തുറക്കേണ്ടതിന്റെ ആവശ്യകതയില്ലെന്ന് ഹൈക്കോടതിയുടെ രണ്ടംഗ ബെഞ്ച് നിരീക്ഷിച്ചു.