ന്യൂഡല്ഹി: രാജ്യത്ത് 100 ശതമാനം പേര്ക്കും ആദ്യ ഡോസ് കോവിഡ് വാക്സിന് നല്കിയ ആറു സംസ്ഥാനങ്ങളെയും കേന്ദ്രഭരണ പ്രദേശങ്ങളെയും പ്രശംസിച്ച് കേന്ദ്ര ആരോഗ്യ മന്ത്രി മന്സുഖ് മാണ്ഡവ്യ. ദാദ്ര നഗര് ഹവേലി, ലക്ഷദ്വീപ്, സിക്കിം, ദാമന് ദിയു, ഹിമാചല് പ്രദേശ്, ലഡാക്ക്, എന്നിവയാണ് 100 ശതമാനം പേര്ക്കും ആദ്യഡോസ് വാക്സിന് നല്കിയത്. ഞായറാഴ്ച വരെ രാജ്യത്ത് 74 കോടി വാക്സിന് വിതരണം ചെയ്തു. അതെ സമയം കോവിഡ് വാക്സിന് വിതരണത്തില് പ്രധാന പങ്കുവഹിക്കുന്ന ആരോഗ്യപ്രവര്ത്തകരെയും ആരോഗ്യമന്ത്രി അഭിനന്ദിച്ചു.
‘ജനസംഖ്യയുടെ 100 ശതമാനം പേര്ക്കും ആദ്യ കോവിഡ് 19 വാക്സിന് ഡോസ് നല്കിയ സംസ്ഥാനങ്ങള്ക്കും കേന്ദ്രഭരണ പ്രദേശങ്ങള്ക്കും അഭിനന്ദങ്ങള്. ആരോഗ്യപ്രവര്ത്തകര്ക്ക് അവരുടെ പ്രതിബദ്ധതക്കും ആവേശത്തിനും പ്രത്യേകം അഭിനന്ദനം അറിയിക്കുന്നു’ -ആരോഗ്യമന്ത്രാലയം ട്വീറ്റില് കുറിച്ചു .
രാജ്യത്ത് ജനുവരി 16 മുതലാണ് വാക്സിന് യജ്ഞം തുടങ്ങിയത് . ആദ്യ ഘട്ടത്തില് ആരോഗ്യപ്രവര്ത്തകര്ക്കാണ് കോവിഡ് വാക്സിന് നല്കിയത്. ഫെബ്രുവരി രണ്ടുമുതലുള്ള രണ്ടാം ഘട്ടത്തില് മുന്നിര പോരാളികള്ക്ക് വാക്സിന് വിതരണം ചെയ്തിട്ടുണ്ട് .