കോഴിക്കോട്: ഉള്ളി വില കുത്തനെ കൂടുമെന്ന് റിപ്പോര്ട്ടുകള്. ഈ മാസം അവസാനത്തോടെ കിലോയ്ക്ക് 30 രൂപ വരെ വര്ധിച്ചേക്കുമെന്നാണ് വിപണി വിദഗ്ധരുടെ നീരിക്ഷണം. കനത്ത മഴയിലെ കൃഷിനാശവും വിളവെടുപ്പ് വൈകുന്നതും വിലക്കയറ്റത്തിന് കാരണമായേക്കുമെന്നാണ് വിവരം.
കനത്ത മഴയും എണ്ണവില കൂടുന്നതും വരും മാസങ്ങളില് വില കൂടാനുള്ള സാധ്യതയുണ്ടെന്ന് വ്യാപാരികള് പറയുന്നു. മഹാരാഷ്ട്ര, കര്ണാടക, ആന്ധ്രപ്രദേശ്, തെലുങ്കാന എന്നിവിടങ്ങളിലാണ് പ്രധാനമായും ഉള്ളി കൃഷി ചെയ്യുന്നത്.
ഈ പ്രദേശങ്ങളിലുണ്ടായ പ്രകൃതിക്ഷോഭവും കനത്ത മഴയും കൃഷിയെ കാര്യമായി ബാധിച്ചിട്ടുണ്ട്. വിപണിയിലും ഇതിന്റെ മാറ്റങ്ങള് കണ്ടുതുടങ്ങിയെന്ന് വ്യാപാരികള് പറയുന്നു. ഉള്ളി വില കൂടിയേക്കുമെന്ന സൂചനകള് ചെറുകിട വ്യാപാരികളെയും ഹോട്ടല് ഉടമകളെയും ആശങ്കയിലാക്കിയിട്ടുണ്ട്.
അതേസമയം കുടുംബ ബജറ്റ് താളം തെറ്റാതിരിക്കാനുള്ള നടപടികള് സ്വീകരിക്കുമെന്നാണ് കേന്ദ്ര സര്ക്കാരിന്റെ വിശദീകരണം.