തിരുവനന്തപുരം: പിഎസ്സിയുടെ വകുപ്പ് തല പരീക്ഷയില് ചോദ്യപേപ്പര് മാറി നല്കി. എല്ഡി ക്ലാര്ക്കുമാര്ക്കായി നടത്തിയ പരീക്ഷയിലാണ് അബദ്ധം സംഭവിച്ചത്. ഡിസ്ട്രിക്ട് ഓഫീസ് മാന്വല് ചോദ്യത്തിന് പകരം സെക്രട്ടറിയറ്റ് ഓഫീസ് മാന്വല് ചോദ്യപേപ്പറാണ് നല്കിയത്. മണക്കാട് വൊക്കേഷണല് ഗേള്സ് ഹയര് സെക്കന്ഡറി സ്കൂളില് നടന്ന പരീക്ഷയിലാണ് അബദ്ധം സംഭവിച്ചത്.
എന്നാല് ചില ക്ലാസ്സുകളില് ചോദ്യപേപ്പര് മാറിയത് തുടക്കത്തില് മനസിലാതോടെ വിതരണം ചെയ്തത് മടക്കി വാങ്ങി. പരാതി പറഞ്ഞവരോട് ഉദ്യോഗസ്ഥര് കയര്ത്തതായും ആരോപണമുണ്ട്. ചോദ്യപേപ്പര് മാറാനിടയായ സാഹചര്യം പരിശോധിക്കുമെന്ന് പിഎസ്സി അധികൃതര് അറിയിച്ചു.